జన గళం ఆంధ్రప్రదేశ్ డెస్క్: ఆంధ్రప్రదేశ్ స్థానిక సంస్థల ఎన్నికల ఓట్ల లెక్కింపులో ఎన్డీఏ కూటమి విజయోత్సాహం కొనసాగుతోంది. ఎన్టీఆర్ జిల్లా మైలవరం నియోజకవర్గ పరిధిలోని కొండపల్లి మున్సిపాలిటీ 11వ వార్డు జనసేన పార్టీ అభ్యర్థి శ్రీ అక్కల గాంధీ భారీ మెజార్టీతో ఘన విజయం సాధించారు.
తీవ్ర ఉత్కంఠ మధ్య జరిగిన ఓట్ల లెక్కింపులో మొదట్నుంచీ ఆధిక్యంలో నిలిచిన అక్కల గాంధీ, తన సమీప ప్రత్యర్థిపై 522 ఓట్ల స్పష్టమైన మెజార్టీతో విజయాన్ని కైవసం చేసుకున్నారు. కొండపల్లి మున్సిపాలిటీలో జనసేన జెండా ఎగరడంతో పార్టీ నాయకులు, కార్యకర్తలు సంతోషం వ్యక్తం చేశారు.
అక్కల గాంధీ విజయం పట్ల జనసేన అధినేత, ఉప ముఖ్యమంత్రి శ్రీ పవన్ కళ్యాణ్ మరియు కూటమి ముఖ్య నాయకులు, జనసైనికులు హర్షం వ్యక్తం చేశారు. కష్టపడి పనిచేసిన కార్యకర్తలకు, తమపై నమ్మకం ఉంచి గెలిపించిన 11వ వార్డు ప్రజలకు ఈ సందర్భంగా నేతలు హృదయపూర్వక ధన్యవాదాలు తెలియజేశారు.