విజయవాడ పశ్చిమ నియోజకవర్గ శాసనసభ్యులు వై.ఎస్.చౌదరి (సుజనా చౌదరి) ఆధ్వర్యంలోని సుజనా ఫౌండేషన్ ఆధ్వర్యంలో శనివారం కొత్తపేట కేబీఎన్ కళాశాల ప్రాంగణంలో నిర్వహించిన ఉచిత వైద్య శిబిరానికి విశేష స్పందన లభించింది. నియోజకవర్గ ప్రజలకు కార్పొరేట్ స్థాయి వైద్యాన్ని ఉచితంగా అందించే లక్ష్యంతో ప్రతి వారం నిర్వహిస్తున్న ఈ మొబైల్ మెడికల్ క్యాంపులో జనరల్, దంత, కంటి పరీక్షలతో పాటు ఈసీజీ, 2డి ఎకో, ఎక్స్-రే వంటి పరీక్షలను ఉచితంగా నిర్వహించారు. ఈ శిబిరంలో సుమారు 95 మందికి నిపుణులైన వైద్యులు పరీక్షలు నిర్వహించి ఉచితంగా ఔషధాలు పంపిణీ చేశారు.
ప్రజారోగ్యమే లక్ష్యంగా సుజనా ఫౌండేషన్ ఉచిత వైద్య సేవలు: కేబీఎన్ కళాశాలలో మెగా వైద్య శిబిరం విజయవంతం
