జన గళం ఆంధ్రప్రదేశ్ డెస్క్: అవనిగడ్డ నియోజకవర్గంలో జనసేన పార్టీ శ్రేణుల మధ్య ఉన్న ఆప్యాయత, పరస్పర సహకారం మరోసారి స్పష్టమైంది. ఇటీవల తీవ్ర అనారోగ్య బారిన పడి విజయవాడలోని మణిపాల్ ఆస్పత్రిలో ఆరు రోజుల పాటు చికిత్స పొంది కోలుకుని స్వగృహానికి చేరుకున్న జనసేన నేత గుడివాక శేషుబాబు సతీమణిని పలువురు ప్రముఖులు స్వయంగా పరామర్శించారు. అవనిగడ్డలోని శేషుబాబు నివాస కార్యాలయానికి చేరుకున్న నాయకులు ఆమె ఆరోగ్య పరిస్థితిని అడిగి తెలుసుకుని, త్వరగా సంపూర్ణ ఆరోగ్యం చేకూర్చాలని మనసారా ఆకాంక్షించారు.
ఈ పరామర్శ కార్యక్రమంలో కోడూరు మరియు అవనిగడ్డ మండలాలకు చెందిన పలువురు ముఖ్య నాయకులు పెద్ద సంఖ్యలో పాల్గొన్నారు. కోడూరు మండల జనసేన పార్టీ అధ్యక్షులు మర్రే గంగయ్య, ఉమ్మడి జిల్లా నాయకులు సిద్దినేని అశోక్ నాయుడు, కోడూరు పీఏసీసీఎస్ అధ్యక్షులు పూతబోయిన కరుణాకర్, లయన్స్ క్లబ్ అధ్యక్షులు పూతబోయిన సితారత్న సాయి, కోడూరు టౌన్ అధ్యక్షులు కోట రాంబాబు తదితరులు హాజరయ్యారు. అలాగే జనసేన రాష్ట్ర మత్స్యకార విభాగం కార్యదర్శి లంకే యుగంధర్, ఎంపీటీసీ లంకే సురేష్, ఉమ్మడి కృష్ణా జిల్లా కార్యదర్శి గాజుల శంకర్ రావు, అవనిగడ్డ మండల కార్యదర్శి బచ్చు శ్రీహరి తదితరులు శేషుబాబు దంపతులను కలిసి ధైర్యం చెప్పారు.
వీరితో పాటు కొత్తపేట మాజీ పీఏసీఎస్ అధ్యక్షులు కూనపరెడ్డి సుబ్బారావు, అవనిగడ్డ వీర మహిళ గుగ్గిలం గాయత్రి, మండల కార్యదర్శులు గుగ్గిలం అనిల్ కుమార్, పప్పుశెట్టి శ్రీ గోపీనాథ్ తదితరులు కూడా పరామర్శించిన వారిలో ఉన్నారు. కష్టకాలంలో పార్టీ నాయకులు చూపిన ఈ ఆప్యాయత తమ కుటుంబానికి ఎంతో మనోధైర్యాన్ని ఇచ్చిందని గుడివాక శేషుబాబు ఈ సందర్భంగా పేర్కొన్నారు. నాయకులందరూ కలిసి వచ్చి పరామర్శించడం పట్ల ఆయన కృతజ్ఞతలు తెలిపారు.
Slug: avanigadda-janasena-leader-seshu-babu-wife-health-visit