జన గళం విజయవాడ బ్యూరో: ఆంధ్రప్రదేశ్ రాష్ట్రంలో స్థానిక సంస్థల ఎన్నికల కార్యాచరణను జనసేన పార్టీ వేగవంతం చేస్తోంది. క్షేత్రస్థాయి నుంచి పార్టీని బలోపేతం చేసి, ఎన్నికల సమాచారాన్ని సమగ్రంగా క్రోడీకరించే లక్ష్యంతో జనసేన పార్టీ అధ్యక్షులు, రాష్ట్ర ఉప ముఖ్యమంత్రి శ్రీ కొణిదల పవన్ కళ్యాణ్ గారి ఆదేశాల మేరకు విజయవాడ పార్లమెంట్ పరిధిలోని అసెంబ్లీ నియోజకవర్గాలకు సమన్వయ కమిటీలను నియమించిన సంగతి తెలిసిందే. ఇందులో భాగంగా విజయవాడ నగర రాజకీయాల్లో అత్యంత ప్రాధాన్యత కలిగిన విజయవాడ సెంట్రల్ నియోజకవర్గ జనసేన సమన్వయకర్తగా శ్రీ బొలిశెట్టి వంశీ నియమితులయ్యారు. నియోజకవర్గ పరిధిలోని డివిజన్లు, వార్డు స్థాయిల్లో పార్టీ యంత్రాంగాన్ని సమన్వయం చేయడం, స్థానిక సంస్థల ఎన్నికల్లో కూటమి అభ్యర్థుల గెలుపునకు పక్కా వ్యూహాలను రూపొందించే బాధ్యతలను పార్టీ అధిష్టానం ఆయనకు అప్పగించింది. పార్టీ సిద్ధాంతాలకు కట్టుబడి ప్రజాసేవలో ముందుండే నాయకుడైన శ్రీ బొలిశెట్టి వంశీకి ఈ కీలక బాధ్యతలు అప్పగించడం పట్ల విజయవాడ నగర జనసేన నాయకులు, కార్యకర్తలు, జనసైనికులు, వీరమహిళలు మరియు కూటమి శ్రేణులు హర్షాతిరేకాలు వ్యక్తం చేస్తూ అభినందనలు తెలియజేశారు.
విజయవాడ సెంట్రల్ నియోజకవర్గ జనసేన సమన్వయకర్తగా బొలిశెట్టి వంశీ నియామకం: హర్షం వ్యక్తం చేసిన పార్టీ శ్రేణులు, జనసైనికులు!
Slug: bolisetti-vamsi-appointed-janasena-co-ordinator-vijayawada-central-constituency
