జన గళం ఆంధ్రప్రదేశ్ డెస్క్: తెలుగుదేశం పార్టీ రాష్ట్ర ఉపాధ్యక్షులు, ఉమ్మడి ఆంధ్రప్రదేశ్ మాజీ డిప్యూటీ స్పీకర్ శ్రీ బూరగడ్డ వేదవ్యాస్ గారి జన్మదిన వేడుకలను పెడన నియోజకవర్గ పరిధిలో అభిమానులు, కూటమి నాయకులు అత్యంత ఘనంగా, సేవా దృక్పథంతో నిర్వహించారు. ఎండపల్లి మాజీ సర్పంచ్ పుప్పాల నరసింహారావు ఆధ్వర్యంలో బూరగడ్డ యువసేన మరియు కూటమి నేతలు విస్తృతంగా సేవా కార్యక్రమాలను చేపట్టారు.
ఈ సందర్భంగా చినపాండ్రక, పార్చపురం ప్రభుత్వ ఆసుపత్రిలోని రోగులకు పండ్లు పంపిణీ చేశారు. అలాగే లక్ష్మీపురం రంగా సెంటర్‌లో ఘనంగా కేక్ కటింగ్ కార్యక్రమం నిర్వహించి సంబరాలు జరుపుకున్నారు. అనంతరం కృత్తివెన్ను ప్రభుత్వ ఆసుపత్రిలోని పేషెంట్లకు పండ్లు పంపిణీ చేయడంతో పాటు, స్థానిక పాఠశాల విద్యార్థులకు ఉచితంగా పుస్తకాలు, పెన్నులను బహూకరించారు. ఈ సేవా కార్యక్రమాల్లో ఎండపల్లి మాజీ సర్పంచ్ పుప్పాల నరసింహారావు, బీజేపీ జిల్లా కార్యదర్శి కంఠంనేని మురళి, బీజేపీ కృత్తివెన్ను మండల అధ్యక్షుడు ఇల్లూరి నాగబాబు, కూటమి నేతలు కె. యేసురాజు, టి. వాసు, రాయపురెడ్డి జ్యోతిబాబు, పులి గంగరాజు, దోతల మురళి, ముత్యాల అజయ్ మరియు బూరగడ్డ వేదవ్యాస్ గారి అభిమానులు పెద్ద సంఖ్యలో పాల్గొన్నారు. నిస్వార్థ ప్రజా సేవకుడు బూరగడ్డ వేదవ్యాస్ గారు సంపూర్ణ ఆయురారోగ్యాలతో వర్ధిల్లాలని, భవిష్యత్తులో మరిన్ని ఉన్నత పదవులను అధిరోహించాలని నేతలు ఈ సందర్భంగా మనస్ఫూర్తిగా ఆకాంక్షించారు.
