రచన: జన గళం విజయవాడ డెస్క్: జాతిపిత మహాత్మా గాంధీ జయంతిని పురస్కరించుకుని అక్టోబర్ 2వ తేదీ శుక్రవారం విజయవాడ గాంధీనగర్‌లోని ‘మా మిత్ర మండలి’, రవి రామ్ డిజిటల్స్ కార్యాలయంలో ఘనంగా వేడుకలు నిర్వహించనున్నారు. హోటల్ ఐలాపురం ఎదురుగా ఉన్న కార్యాలయంలో ఉదయం 11:00 గంటలకు జరిగే ఈ కార్యక్రమానికి ఎన్టీఆర్ జిల్లా జనసేన పార్టీ అధ్యక్షులు సామినేని ఉదయభాను ముఖ్య అతిథిగా విచ్చేయనున్నారు.
ఈ సందర్భంగా మహాత్మా గాంధీ చిత్రపటానికి నగర ప్రముఖులు, ప్రజాప్రతినిధులు పూలమాలలు వేసి ఘనంగా నివాళులర్పించనున్నారు. గాంధీజీ అహింసా సిద్ధాంతాలు, ఆయన చూపిన సేవా మార్గాన్ని ఈ సందర్భంగా స్మరించుకోనున్నారు. ఈ వేడుకల్లో విజయవాడ నగర పెద్దలు, ప్రజాప్రతినిధులు, వివిధ రాజకీయ పార్టీల నాయకులు, కార్యకర్తలు, మహిళలు పెద్ద సంఖ్యలో పాల్గొని కార్యక్రమాన్ని విజయవంతం చేయాలని ‘మా మిత్రమండలి’ నిర్వాహకులు చింతల రామారావు (బాబి), చింతల రవికుమార్ (చంటి) ఒక ప్రకటనలో కోరారు.
