జన గళం క్రీడా డెస్క్: అంతర్జాతీయ క్రికెట్ మండలి (ICC) చైర్మన్ జై షాకు పుట్టినరోజు సందర్భంగా ప్రపంచవ్యాప్తంగా క్రీడా ప్రముఖులు, ఆత్మీయుల నుంచి హృదయపూర్వక శుభాకాంక్షలు వెల్లువెత్తుతున్నాయి. ప్రపంచ క్రికెట్ పాలనా విభాగంలో అత్యున్నత బాధ్యతలను సమర్థవంతంగా నిర్వర్తిస్తూ, అంతర్జాతీయంగా క్రికెట్ అభివృద్ధికి ఆయన చేస్తున్న కృషిని ప్రముఖులు కొనియాడారు.
క్రికెట్ పరిపాలనా రంగంలో విశేష ప్రయాణాన్ని కొనసాగిస్తూ అంతర్జాతీయ స్థాయి బాధ్యతలను మోస్తున్నప్పటికీ.. వ్యక్తిగతంగా ఆయనలో కనిపించే వినమ్రత, ఆప్యాయత, నిరాడంబరత ఎందరికో ఆదర్శమని ఆత్మీయ మిత్రులు కొనియాడారు. జై షా ఆయురారోగ్యాలు, ఆనందాలతో వర్ధిల్లాలని, అంతర్జాతీయ క్రికెట్ను మరింత ఉన్నత శిఖరాలకు చేర్చేలా ఆయన ప్రయాణం నిరంతరం విజయవంతం కావాలని ఆకాంక్షిస్తూ జన్మదిన శుభాకాంక్షలు తెలియజేశారు.
