జన గళం ఆంధ్రప్రదేశ్ డెస్క్: తన జన్మదినం సందర్భంగా ఆత్మీయంగా శుభాకాంక్షలు తెలియజేసిన అభిమానులు, జనసైనికులు, పార్టీ నాయకులు మరియు శ్రేయోభిలాషులకు జనసేన పార్టీ రాష్ట్ర ప్రధాన కార్యదర్శి శ్రీ రామ్ తాళ్లూరి గారు హృదయపూర్వక ధన్యవాదాలు తెలియజేశారు.
ఈ సందర్భంగా ఆయన ఒక ప్రత్యేక సందేశాన్ని విడుదల చేస్తూ.. “నా పుట్టినరోజున మీ అమూల్యమైన సమయాన్ని వెచ్చించి శుభాకాంక్షలు తెలిపిన ప్రతి ఒక్కరికీ మనస్ఫూర్తిగా కృతజ్ఞతలు తెలుపుకుంటున్నాను. మీరు కురిపించిన అపారమైన ప్రేమానురాగాలు, దీవెనలు నా పుట్టినరోజును మరింత మధురంగా, ప్రత్యేకంగా మార్చాయి” అని పేర్కొన్నారు. మీరిచ్చిన ఈ ఆత్మీయత, ప్రోత్సాహం భవిష్యత్తులో ప్రజాక్షేత్రంలో మరింత ఉత్సాహంతో పనిచేయడానికి నిరంతరం స్ఫూర్తినిస్తుందని ఆయన ఆనందం వ్యక్తం చేశారు.
