రచన: మల్లికార్జున్, జన గళం అన్నమయ్య జిల్లా డెస్క్: అన్నమయ్య జిల్లా రైల్వే కోడూరు నియోజకవర్గం మాధవరంపోడు గ్రామానికి చెందిన ప్రముఖులు శ్రీ కంపరాజు సుదర్శన్ రాజు గారి దశదిన కర్మ కార్యక్రమం మంగళవారం భక్తిశ్రద్ధలతో జరిగింది. ఈ కార్యక్రమంలో రాజంపేట పార్లమెంట్ జనసేన పార్టీ ఇంచార్జ్ శ్రీ యల్లటూరు శ్రీనివాస రాజు గారు ముఖ్య అతిథిగా పాల్గొని, దివంగత సుదర్శన్ రాజు చిత్రపటానికి పూలమాలలు వేసి ఘనంగా నివాళులర్పించారు.
అనంతరం సుదర్శన్ రాజు గారి కుటుంబ సభ్యులను పరామర్శించిన శ్రీనివాస రాజు, వారికి తన ప్రగాఢ సానుభూతిని తెలియజేసి మనోధైర్యం చెప్పారు. కుటుంబానికి అన్ని వేళలా అండగా ఉంటామని భరోసా కల్పిస్తూ, మృతుని పవిత్ర ఆత్మకు శాంతి చేకూరాలని భగవంతుడిని ప్రార్థించారు. ఈ కార్యక్రమంలో ప్రముఖ నాయకులు బత్యాల చెంగల్ రాయుడు, స్థానిక ప్రజాప్రతినిధులు, జనసేన పార్టీ ముఖ్య నాయకులు, కార్యకర్తలు, గ్రామ పెద్దలు మరియు బంధుమిత్రులు పెద్ద సంఖ్యలో పాల్గొని సుదర్శన్ రాజు గారికి శ్రద్ధాంజలి ఘటించారు.
