జన గళం ఆంధ్రప్రదేశ్ డెస్క్: జనసేన పార్టీ ప్రధాన కార్యదర్శి, శాసనమండలి సభ్యులు (ఎమ్మెల్సీ), ఏపీ గ్రీన్ కమిటీ చైర్మన్ శ్రీ కొణిదెల నాగబాబు గారి జన్మదినాన్ని పురస్కరించుకుని పార్టీ రాష్ట్ర కార్యదర్శి, విజయవాడ తూర్పు నియోజకవర్గం మరియు విజయవాడ పార్లమెంట్ సమన్వయకర్త అమ్మిశెట్టి వాసు గారు హృదయపూర్వక పుట్టినరోజు శుభాకాంక్షలు తెలియజేశారు.
పార్టీ స్థాపన నాటి నుంచి ప్రధాన కార్యదర్శిగా క్రియాశీలక పాత్ర పోషిస్తూ, కార్యకర్తలతో నిరంతరం మమేకమవుతూ పార్టీ సంస్థాగత నిర్మాణంలో నాగబాబు గారు చేసిన సేవలు అమోఘమైనవని కొనియాడారు. ముఖ్యంగా సార్వత్రిక ఎన్నికల సమరంలో పిఠాపురం నియోజకవర్గంలో అన్ని తానై వ్యవహరిస్తూ, నియోజకవర్గ నాయకులను, క్యాడర్‌ను సమన్వయం చేసి పార్టీ అధినేత, ఉప ముఖ్యమంత్రి శ్రీ పవన్ కళ్యాణ్ గారి చారిత్రాత్మక విజయానికి అహర్నిశలు శ్రమించిన తీరు చిరస్మరణీయమని గుర్తుచేశారు.
ఆ అభయాంజనేయ స్వామి వారి దివ్య ఆశీస్సులు శ్రీ కొణిదెల నాగబాబు గారిపై ఎల్లవేళలా ఉండాలని, ఆయనకు సంపూర్ణ ఆయురారోగ్యాలు, ఆనందాలను ప్రసాదించాలని ప్రార్థించారు. ప్రజాసేవలో ఆయన మరిన్ని ఉన్నత పదవులను అధిరోహిస్తూ పార్టీకి, రాష్ట్రానికి మార్గదర్శకంగా నిలవాలని అమ్మిశెట్టి వాసు మనస్ఫూర్తిగా ఆకాంక్షించారు.