జన గళం సినీ బ్యూరో/హైదరాబాద్: తెలుగు చిత్ర పరిశ్రమలో వినోదాత్మక, కుటుంబ కథా చిత్రాలతో తనదైన ప్రత్యేక ముద్ర వేసుకున్న ప్రముఖ దర్శకుడు మారుతి (Maruthi Dasari) పుట్టినరోజు సందర్భంగా సినీ ప్రముఖులు, అభిమానులు, చిత్ర బృందాలు ఆయనకు ఘనంగా శుభాకాంక్షలు తెలియజేశాయి. చిన్న సినిమాలతో ప్రస్థానం ప్రారంభించి తన ప్రతిభతో కమర్షియల్ సక్సెస్ డైరెక్టర్‌గా ఎదిగిన మారుతి.. ప్రస్తుతం గ్లోబల్ స్థాయిలో పాన్-ఇండియా చిత్రాలను తెరకెక్కిస్తూ పరిశ్రమలో అత్యంత ఆసక్తికరమైన దర్శకులలో ఒకరిగా నిలిచారు.
మారుతి జన్మదినాన్ని పురస్కరించుకుని ఆయన సంపూర్ణ ఆయురారోగ్యాలతో, మరిన్ని విజయాలతో ముందుకు సాగాలని కోరుతూ ప్రత్యేక పోస్టర్లు, విషెస్ సోషల్ మీడియాలో సందడి చేస్తున్నాయి. “Wishing you good health, prosperity, and a fantastic year ahead sir” అంటూ అభిమానులు, సినీ శ్రేయోభిలాషులు తమ ప్రేమను చాటుకున్నారు. వైవిధ్యమైన కథలతో ప్రేక్షకులను అలరిస్తూ తెలుగు సినిమా ఖ్యాతిని మరింత ఉన్నత శిఖరాలకు చేర్చాలని పరిశ్రమ వర్గాలు ఆకాంక్షించాయి.
