జన గళం గన్నవరం డెస్క్: కృష్ణా జిల్లా వ్యాప్తంగా స్థానిక సంస్థల ఎన్నికల సమరం ముంచుకొస్తున్న వేళ మచిలీపట్నం పార్లమెంట్ సభ్యులు శ్రీ వల్లభనేని బాలశౌరి గారిని గన్నవరం నియోజకవర్గ జనసేన పార్టీ సమన్వయకర్తలు మర్యాదపూర్వకంగా కలిశారు.
ఈ భేటీలో గన్నవరం నియోజకవర్గ జనసేన పార్టీ ఎన్నికల సమన్వయకర్తలు శ్రీ గరికిపాటి శివ శంకర్, శ్రీ కోలా సతీష్ కుమార్, శ్రీ పల్లి కార్తీక్ పాల్గొని గన్నవరం పరిధిలోని పంచాయతీ, మండల పరిషత్ ఎన్నికల సన్నద్ధత, క్షేత్రస్థాయి రాజకీయ సమీకరణాలను ఎంపీ గారి దృష్టికి తీసుకెళ్లారు. కూటమి భాగస్వామ్య పక్షాలతో కలిసికట్టుగా పనిచేసి గన్నవరం నియోజకవర్గంలో కూటమి అభ్యర్థుల సంపూర్ణ విజయమే ధ్యేయంగా ముందుకు సాగాలని ఎంపీ బాలశౌరి దిశానిర్దేశం చేశారు.
వీరితో పాటు మచిలీపట్నం పార్లమెంటు జనసేన పార్టీ ఎన్నికల నిర్వాహక్ దళ్ సభ్యులు శ్రీ పొదిలి దుర్గారావు, శ్రీ లంకే సురేష్ వర్మ, శ్రీమతి బత్తిన నాగేంద్ర మణి మరియు సపోర్టింగ్ టీం సభ్యురాలు శ్రీమతి రాజమహేంద్రవరపు పుణ్యవతి తదితరులు పాల్గొన్నారు.