జన గళం ఆంధ్రప్రదేశ్ డెస్క్: కృత్తివెన్ను మండలం, చిన్నపాండ్రక పంచాయతీలో రూ.36 లక్షల వ్యయంతో నూతనంగా నిర్మించిన విలేజ్ హెల్త్ క్లినిక్ సెంటర్‌ను పెడన శాసనసభ్యులు శ్రీ కాగిత కృష్ణ ప్రసాద్ గారు ప్రారంభించారు. గ్రామీణ ప్రాంత ప్రజలకు నాణ్యమైన ప్రాథమిక వైద్య సేవలను మరింత చేరువ చేయాలనే లక్ష్యంతో ఈ కేంద్రాన్ని అందుబాటులోకి తెచ్చారు.
ఈ విలేజ్ హెల్త్ క్లినిక్ ప్రారంభం కావడం ద్వారా చిన్నపాండ్రకతో పాటు పరిసర గ్రామాల ప్రజలకు మెరుగైన వైద్య సేవలు స్థానికంగానే అందుబాటులోకి రానున్నాయి. ప్రజారోగ్యానికి అత్యంత ప్రాధాన్యతనిస్తూ, గ్రామీణ ప్రాంతాల్లో వైద్య సదుపాయాలను మరింత మెరుగుపరచడమే కూటమి ప్రభుత్వ ప్రధాన ధ్యేయమని ఎమ్మెల్యే కాగిత కృష్ణ ప్రసాద్ స్పష్టం చేశారు. ఈ కార్యక్రమంలో స్థానిక ప్రజాప్రతినిధులు, కూటమి నాయకులు, వైద్య శాఖ అధికారులు మరియు పెద్ద సంఖ్యలో గ్రామస్థులు పాల్గొన్నారు.