జన గళం ఆంధ్రప్రదేశ్ డెస్క్: విజయవాడ వెస్ట్ నియోజకవర్గ జనసేన పార్టీ స్థానిక సంస్థల ఎన్నికల అసెంబ్లీ సమన్వయకర్తగా కొప్పిరెడ్డి సూర్యనారాయణ మూర్తి నియమితులయ్యారు. ఈ మేరకు పార్టీ అధినాయకత్వం ఆయనకు కీలకమైన బాధ్యతను అప్పగించింది. స్థానిక సంస్థల ఎన్నికల్లో పార్టీని సమర్థవంతంగా ముందుకు నడిపించేందుకు ఈ నియామకం ఎంతగానో దోహదపడుతుందని నాయకులు తెలిపారు.
కొప్పిరెడ్డి సూర్యనారాయణ మూర్తి నియామకం పట్ల స్థానిక జనసేన పార్టీ శ్రేణులు, నాయకులు మరియు కార్యకర్తలు హర్షం వ్యక్తం చేశారు. ఆయనకు ప్రత్యేకంగా శుభాకాంక్షలు తెలుపుతూ అభినందనలు వెల్లువెత్తాయి. నియోజకవర్గ పరిధిలో పార్టీ బలోపేతానికి, ప్రజా సమస్యల పరిష్కారానికి ఆయన తన వంతు కృషి చేస్తారనే నమ్మకాన్ని పార్టీ నేతలు వ్యక్తం చేశారు.
ఈ సందర్భంగా కొప్పిరెడ్డి సూర్యనారాయణ మూర్తి మాట్లాడుతూ తనపై నమ్మకం ఉంచి ఈ బాధ్యతను అప్పగించిన పార్టీ అధినేతకు మరియు పెద్దలకు కృతజ్ఞతలు తెలిపారు. విజయవాడ వెస్ట్ నియోజకవర్గంలో జనసేన పార్టీ అభ్యర్థుల విజయానికి, శ్రేణుల సమన్వయానికి పూర్తిస్థాయిలో అంకితభావంతో పనిచేస్తానని స్పష్టం చేశారు.