జన గళం జాతీయ డెస్క్: జమ్మూ కశ్మీర్ రాజధాని శ్రీనగర్ వేదికగా కేంద్ర గనుల మంత్రిత్వ శాఖ మరియు దాని అనుబంధ ప్రభుత్వ రంగ సంస్థల ఉన్నతాధికారులతో లోక్‌సభ సబార్డినేట్ లెజిస్లేషన్ కమిటీ అత్యున్నత స్థాయి సమీక్షా సమావేశం నిర్వహించింది. ఈ కీలక సమావేశానికి సబార్డినేట్ లెజిస్లేషన్ కమిటీ చైర్మన్, మచిలీపట్నం పార్లమెంట్ సభ్యులు వల్లభనేని బాలశౌరి అధ్యక్షత వహించారు. గనుల శాఖ పరిధిలోని నిబంధనలు, పాలనాపరమైన మార్గదర్శకాలు మరియు సంస్థాగత పనితీరుపై ఈ భేటీలో సమగ్రంగా చర్చించారు.
ఈ సమావేశంలో కేంద్ర ప్రభుత్వ రంగ సంస్థలైన నేషనల్ అల్యూమినియం కంపెనీ లిమిటెడ్, హిందుస్థాన్ కాపర్ లిమిటెడ్, మినరల్ ఎక్స్‌ప్లోరేషన్ అండ్ కన్సల్టెన్సీ లిమిటెడ్ సంస్థల ఉన్నత స్థాయి ప్రతినిధులు పాల్గొన్నారు. ఆయా సంస్థల ఆధ్వర్యంలో జరుగుతున్న మైనింగ్ ప్రాజెక్టులు, చట్టబద్ధమైన నియమ నిబంధనల అమలు, పర్యావరణ పరిరక్షణ ప్రమాణాలు మరియు ఉద్యోగుల సంక్షేమ నిబంధనలపై కమిటీ లోతుగా సమీక్షించింది. ప్రభుత్వ రంగ సంస్థలు నిర్దేశిత చట్టాలకు లోబడి మరింత పారదర్శకంగా సేవలందించాలని బాలశౌరి సూచించారు.
r