జన గళం కృష్ణా జిల్లా డెస్క్:
కృష్ణా జిల్లా బందరు రెవెన్యూ డివిజన్ పరిధిలోని కృత్తివెన్ను మండలంలో గ్రామ పంచాయతీ ఎన్నికలకు సంబంధించి సర్పంచ్, వార్డు సభ్యుల రిజర్వేషన్ల వివరాలు విడుదలయ్యాయి. 2026 సంవత్సరానికి సంబంధించిన ఈ రిజర్వేషన్ పట్టికలో మండలంలోని 16 గ్రామ పంచాయతీలకు సర్పంచ్ పదవుల రిజర్వేషన్లతో పాటు వార్డుల వారీగా కేటాయింపులను పొందుపరిచారు.
జిల్లా ఎన్నికల అధికారి, కలెక్టర్ ఆమోదంతో రూపొందించిన పట్టిక ప్రకారం సర్పంచ్ పదవుల రిజర్వేషన్లలో బీసీ మహిళ, బీసీ, ఎస్సీ, జనరల్ మహిళ, జనరల్ కేటగిరీలకు కేటాయింపులు ఉన్నాయి.
సర్పంచ్ పదవుల రిజర్వేషన్ల వివరాలు ఇలా ఉన్నాయి. చెరుకుమిల్లి – బీసీ మహిళ, చినగొల్లపాలెం – జనరల్ మహిళ, చినపాండ్రక – బీసీ, గరిశెపూడి – జనరల్ మహిళ, ఇంటేరు – జనరల్, కొమళ్లపూడి – బీసీ, కృత్తివెన్ను – జనరల్, లక్ష్మీపురం – బీసీ మహిళ, మట్లం – జనరల్ మహిళ, మునిపెడ – బీసీ, నీలిపూడి – బీసీ మహిళ, నిడమర్రు – జనరల్, పడతడిక – బీసీ మహిళ, పల్లెపాలెం – జనరల్, సీతనపల్లి – ఎస్సీ, యండపల్లి – జనరల్ మహిళగా కేటాయించారు.
మండలంలోని 16 గ్రామ పంచాయతీల పరిధిలో మొత్తం 174 వార్డులు ఉన్నట్లు పట్టికలో పేర్కొన్నారు. ప్రతి గ్రామ పంచాయతీలో వార్డుల సంఖ్యను బట్టి రిజర్వేషన్లను కేటాయించారు. బీసీ, ఎస్సీ, ఎస్టీ, జనరల్ కేటగిరీలతో పాటు మహిళలకు కూడా వార్డుల వారీగా రిజర్వేషన్లు కల్పించారు.
రిజర్వేషన్ల వివరాలు విడుదల కావడంతో గ్రామ పంచాయతీ ఎన్నికల్లో పోటీ చేయాలనుకుంటున్న ఆశావహులు తమ రాజకీయ కార్యాచరణకు సిద్ధమవుతున్నారు. గ్రామాల్లో ఎన్నికల సందడి క్రమంగా పెరుగుతోంది.