జన గళం కృత్తివెన్ను/పెడన బ్యూరో: కృష్ణా జిల్లా కృత్తివెన్ను మండలం మునిపెడ పంచాయతీలో తెలుగుదేశం పార్టీ బూత్ స్థాయి సమన్వయ సమావేశం బుధవారం (07-10-2026) అత్యంత ఉత్సాహపూరిత వాతావరణంలో జరిగింది. పార్టీ అధిష్టానం పిలుపు మేరకు, పెడన శాసనసభ్యులు శ్రీ కాగిత కృష్ణ ప్రసాద్ ఆదేశాల ప్రకారం ప్రతినెలా మొదటి బుధవారం నిర్వహించే కార్యక్రమంలో భాగంగా, బూత్ యూనిట్ ఇన్‌చార్జ్ పిన్నెంటి రత్తయ్య అధ్యక్షతన ఈ భేటీ కొనసాగింది. యూనిట్-32 పరిధిలోని 171, 172, 196, 197, 198 బూత్‌ల కన్వీనర్లు, క్లస్టర్ ఇన్‌చార్జ్‌లు, గ్రామ పార్టీ నాయకులు, కార్యకర్తలు ఇందులో పెద్ద సంఖ్యలో పాల్గొన్నారు.
గ్రామంలో నెలకొన్న తాజా సమస్యలతో పాటు కూటమి ప్రభుత్వంపై, స్థానిక ఎమ్మెల్యే కాగిత కృష్ణ ప్రసాద్‌పై కొందరు పనిగట్టుకుని చేస్తున్న అసత్య విమర్శలపై సమావేశంలో సమగ్రంగా చర్చించారు. సూపర్ ఎల్-నినో ప్రభావంతో ఏర్పడిన వర్షాభావ పరిస్థితుల వల్ల రైతాంగం ఎదుర్కొంటున్న ప్రకృతిసిద్ధమైన సమస్యలను సైతం ప్రతిపక్షాలు తమ స్వార్థ రాజకీయాల కోసం వాడుకుంటూ ప్రభుత్వంపై బురదజల్లుతున్నాయని నాయకులు ఆగ్రహం వ్యక్తం చేశారు. ఇలాంటి దుష్ప్రచారాలను చూస్తూ మౌనంగా ఉంటే ప్రజలు తప్పుగా భావించే ప్రమాదం ఉందని, గ్రామ స్థాయి నుంచి మండల స్థాయి వరకు నాయకులంతా ఐక్యంగా ఉండి ప్రతిపక్షాల కుట్రలను తిప్పికొట్టాలని పిలుపునిచ్చారు. ప్రభుత్వ సంక్షేమం, అభివృద్ధిని ప్రజల్లోకి తీసుకెళ్తూ రాబోయే స్థానిక సంస్థల ఎన్నికల్లో కూటమి విజయదుందుభి మోగించి, పెడన నియోజకవర్గంలో ఘన విజయాన్ని ఎమ్మెల్యే కాగిత కృష్ణ ప్రసాద్‌కు బహుమతిగా అందించాలని శ్రేణులు తీర్మానించాయి. ఈ కార్యక్రమంలో దాసరి ఆదినారాయణ, గుమ్మళ్ళ రఘు, కాకర బాలసౌరి, పట్టపు రాంబాబు, పట్టపు సరస్వతిరావు, బత్తుల పూర్ణ, ప్రత్తి రాము, తోట జయబాబు, కాకర మోహన్ రావు, గంటా బాలమురళి కృష్ణ, జేవీఆర్, ఒడిమే శాంతియ్య, ఒడిమే ప్రదీప్ తదితరులు పాల్గొన్నారు.
