జన గళం ఆంధ్రప్రదేశ్ డెస్క్: ఉత్తరప్రదేశ్ ముఖ్యమంత్రి శ్రీ యోగి ఆదిత్యనాథ్‌ను ఆంధ్రప్రదేశ్ రాష్ట్ర వైద్య, ఆరోగ్య శాఖ మంత్రి శ్రీ సత్యకుమార్ యాదవ్ మరియు విజయవాడ పార్లమెంటు సభ్యులు (ఎంపీ) శ్రీ కేశినేని శివనాథ్ (చిన్ని) మర్యాదపూర్వకంగా కలిశారు. ఈ సందర్భంగా విజయవాడలో అత్యంత వైభవంగా నిర్వహించనున్న ప్రఖ్యాత దసరా శరన్నవరాత్రి ఉత్సవాలు మరియు ‘విజయవాడ ఉత్సవ్ 2.0’ కార్యక్రమాలకు హాజరుకావాల్సిందిగా వారు సీఎం యోగిని సాదరంగా ఆహ్వానించారు.
ఈ భేటీలో భాగంగా విజయవాడ ఆధ్యాత్మిక, సాంస్కృతిక వైభవాన్ని జాతీయ స్థాయిలో చాటిచెప్పేలా ఈ ఉత్సవాలను నిర్వహిస్తున్నట్లు నేతలు యోగి ఆదిత్యనాథ్‌కు వివరించారు. బెజవాడ కనకదుర్గమ్మ శరన్నవరాత్రి మహోత్సవాల విశిష్టతను, అమ్మవారి దర్శన ఏర్పాట్లను మరియు నగరంలో పర్యాటకులను, ప్రజలను విశేషంగా ఆకట్టుకునేలా తలపెట్టిన ‘విజయవాడ ఉత్సవ్ 2.0’ ప్రత్యేకతలను ఆయనకు తెలియజేశారు. ఈ వేడుకలకు విచ్చేసి విజయవాడ ప్రజలను, భక్తులను ఆశీర్వదించాలని కోరుతూ ఆయనకు ప్రత్యేక ఆహ్వాన పత్రికను అందజేశారు.
Slug: uttar-pradesh-cm-yogi-adityanath-invited-vijayawada-dasara-utsav-satya-kumar-kesineni-chinni