జన గళం ఆంధ్రప్రదేశ్ డెస్క్: వైఎస్సార్ కాంగ్రెస్ పార్టీ అధ్యక్షుడు, మాజీ ముఖ్యమంత్రి వైఎస్ జగన్ మోహన్ రెడ్డి నేడు (బుధవారం) రెండు కీలక రాజకీయ కార్యక్రమాలలో పాల్గొననున్నారు. తాడేపల్లిలోని పార్టీ కేంద్ర కార్యాలయంలో ఉదయం 11 గంటలకు గ్రేటర్ విశాఖపట్నం మున్సిపల్ కార్పొరేషన్ (జీవీఎంసీ) పరిధికి చెందిన స్థానిక సంస్థల మాజీ ప్రజాప్రతినిధులు, పార్టీ ముఖ్య నాయకులు, కార్యకర్తలతో ఆయన విస్తృత స్థాయి సమీక్ష నిర్వహించనున్నారు. విశాఖ నగరంలో పార్టీ ప్రస్తుత పరిస్థితులు, ప్రజా సమస్యలపై పోరాటాలు, పార్టీ సంస్థాగత బలోపేతం, భవిష్యత్ కార్యాచరణ మరియు తాజా స్థానిక రాజకీయ పరిణామాలపై నేతలకు దిశానిర్దేశం చేయనున్నారు.
అనంతరం సాయంత్రం 5 గంటలకు వైఎస్ జగన్ రాజ్ భవన్లో రాష్ట్ర గవర్నర్తో సమావేశం కానున్నారు. విజయవాడలోని శాప్ (క్రీడా ప్రాధికార సంస్థ) కార్యాలయం వద్ద వైఎస్సార్సీపీ నాయకులపై జరిగిన దాడి ఘటనపై గవర్నర్కు అధికారికంగా ఫిర్యాదు చేయనున్నారు. అదేవిధంగా రాష్ట్రంలో ఇటీవల నిర్వహించిన డీఎస్సీ ప్రక్రియలో భారీ అక్రమాలు జరిగాయని ఆరోపిస్తూ, సమగ్ర నిజాలను నిగ్గు తేల్చేందుకు కేంద్ర దర్యాప్తు సంస్థ (సీబీఐ)తో సమగ్ర విచారణ జరిపించాలని కోరుతూ ఆయన గవర్నర్కు వినతిపత్రం సమర్పించనున్నారు.