విజయవాడ: చీకట్లను పారద్రోలి వెలుగులను నింపే పవిత్ర దీపాల పండుగ దీపావళి సందర్భంగా అఖిల భారత చిరంజీవి యువత నాయకులు శ్రీ రవణం స్వామినాయుడు గారు తెలుగు ప్రజలకు, మెగా అభిమానులకు, జనసైనికులకు హృదయపూర్వక పండుగ శుభాకాంక్షలు తెలియజేశారు.
ఈ సందర్భంగా ఆయన మాట్లాడుతూ.. పద్మవిభూషణ్ మెగాస్టార్ చిరంజీవి, కొణిదెల నాగేంద్రబాబు, ఆంధ్రప్రదేశ్ ఉప ముఖ్యమంత్రి పవన్ కల్యాణ్, గ్లోబల్ స్టార్ రామ్ చరణ్ గార్ల స్ఫూర్తితో ప్రజాసేవలో ఎల్లప్పుడూ ముందుంటామని పేర్కొన్నారు. ఈ దీపావళి పర్వదినం ప్రతి ఒక్కరి జీవితాల్లో సరికొత్త వెలుగులు నింపాలని, ప్రతి కుటుంబంలోనూ ఆనందం, సౌభాగ్యం, ఆయురారోగ్యాలు, సమృద్ధి వెల్లివిరియాలని ఆయన మనస్ఫూర్తిగా ఆకాంక్షించారు. పండుగను కుటుంబ సభ్యులు, ఆత్మీయులతో కలిసి ఆనందోత్సాహాలతో, సురక్షితంగా జరుపుకోవాలని శ్రీ రవణం స్వామినాయుడు గారు కోరారు.