మచిలీపట్నం: ఆంధ్రప్రదేశ్ రాష్ట్ర ఎన్నికల సంఘం (SEC) ఆదేశాల మేరకు కృష్ణా జిల్లాలోని గ్రామ పంచాయతీలకు సంబంధించి రెండవ సాధారణ ఎన్నికల పూర్తి స్థాయి కార్యాచరణ షెడ్యూల్ అధికారికంగా విడుదలైంది. జిల్లాలోని గుడివాడ, ఉయ్యూరు, మచిలీపట్నం రెవెన్యూ డివిజన్ల పరిధిలో మొత్తం మూడు విడతల్లో ఈ ఎన్నికలను నిర్వహించనున్నారు.
ఈ ఎన్నికల షెడ్యూల్ ప్రకారం:
- ఫేజ్-1 (గుడివాడ డివిజన్ – 7 మండలాలు):
నవంబర్ 13న ఎన్నికల నోటిఫికేషన్ విడుదలవుతుంది. నవంబర్ 17 వరకు నామినేషన్ల స్వీకరణ, 18న పరిశీలన, 21న ఉపసంహరణ ముగుస్తుంది. నవంబర్ 26న పోలింగ్ జరగనుండగా, అదే రోజు ఓట్ల లెక్కింపు చేపట్టి ఫలితాలు ప్రకటిస్తారు. - ఫేజ్-2 (ఉయ్యూరు డివిజన్ – 7 మండలాలు):
నవంబర్ 16న నోటిఫికేషన్ జారీ కానుంది. నవంబర్ 20 వరకు నామినేషన్ల స్వీకరణ, 21న స్క్రూటినీ, 24న ఉపసంహరణ ఉంటుంది. నవంబర్ 29న పోలింగ్, అనంతరం ఫలితాల వెల్లడి ఉంటాయి. - ఫేజ్-3 (మచిలీపట్నం డివిజన్ – 12 మండలాలు):
నవంబర్ 19న నోటిఫికేషన్ విడుదలవుతుంది. నవంబర్ 23 వరకు నామినేషన్ల స్వీకరణ, 24న పరిశీలన, 27న ఉపసంహరణ గడువు ముగుస్తుంది. డిసెంబర్ 2న పోలింగ్ మరియు ఫలితాల ప్రకటన ఉంటుంది.
అవసరమైన చోట్ల పోలింగ్ మరుసటి రోజే రీపోలింగ్ నిర్వహించనున్నట్లు అధికారులు తెలిపారు. ఈ షెడ్యూల్ గ్రామ పంచాయతీలకు మాత్రమే వర్తిస్తుందని స్పష్టం చేశారు.