అమరావతి: ఆంధ్రప్రదేశ్ రాష్ట్రంలో అక్టోబర్ 2026 నాటికి ఎన్నికలు నిర్వహించలేకపోయిన పట్టణ స్థానిక సంస్థల (అర్బన్ లోకల్ బాడీస్ – ULBs) అధికారిక జాబితా విడుదలైంది. వివిధ న్యాయపరమైన, పరిపాలనా కారణాల రీత్యా రాష్ట్రవ్యాప్తంగా మొత్తం 23 మున్సిపల్ కార్పొరేషన్లు, మున్సిపాలిటీలు మరియు నగర పంచాయతీలకు అక్టోబర్‌లో ఎన్నికలు జరగలేదు.
ఈ జాబితాలో 4 ప్రముఖ మున్సిపల్ కార్పొరేషన్లు (శ్రీకాకుళం, రాజమహేంద్రవరం, కాకినాడ, మంగళగిరి-తాడేపల్లి) ఉండగా, మిగిలిన వాటిలో 15 మున్సిపాలిటీలు, 4 నగర పంచాయతీలు ఉన్నాయి. ఉమ్మడి జిల్లాల వారీగా పశ్చిమ గోదావరి జిల్లాలో అత్యధికంగా నాలుగు మున్సిపాలిటీల్లో ఎన్నికలు జరగలేదు.
- ఎన్నికలు జరగని 23 పట్టణ స్థానిక సంస్థల పూర్తి వివరాలు:
- శ్రీకాకుళం జిల్లా: శ్రీకాకుళం మున్సిపల్ కార్పొరేషన్, ఆమదాలవలస మున్సిపాలిటీ
- విజయనగరం జిల్లా: రాజాం మున్సిపాలిటీ
- తూర్పు గోదావరి జిల్లా: రాజమహేంద్రవరం మున్సిపల్ కార్పొరేషన్
- కాకినాడ జిల్లా: కాకినాడ మున్సిపల్ కార్పొరేషన్
- పశ్చిమ గోదావరి జిల్లా: పాలకొల్లు, భీమవరం, తాడేపల్లిగూడెం, తణుకు మున్సిపాలిటీలు
- ఏలూరు జిల్లా: చింతలపూడి నగర పంచాయతీ
- కృష్ణా జిల్లా: గుడివాడ మున్సిపాలిటీ, వైఎస్సార్ తాడిగడప మున్సిపాలిటీ
- గుంటూరు జిల్లా: మంగళగిరి-తాడేపల్లి మున్సిపల్ కార్పొరేషన్, పొన్నూరు మున్సిపాలిటీ
- పల్నాడు జిల్లా: నరసరావుపేట మున్సిపాలిటీ
- బాపట్ల జిల్లా: బాపట్ల మున్సిపాలిటీ
- ప్రకాశం జిల్లా: కందుకూరు మున్సిపాలిటీ
- మార్కాపురం జిల్లా: పొదిలి నగర పంచాయతీ
- శ్రీ పొట్టి శ్రీరాములు నెల్లూరు జిల్లా: కావలి మున్సిపాలిటీ, గూడూరు మున్సిపాలిటీ, అల్లూరు నగర పంచాయతీ
- తిరుపతి జిల్లా: శ్రీకాళహస్తి మున్సిపాలిటీ
- అన్నమయ్య జిల్లా: బి.కొత్తకోట నగర పంచాయతీ