జన గళం ఏలూరు జిల్లా డెస్క్: ఏలూరు జిల్లా కైకలూరు నియోజకవర్గంలో కూటమి ప్రభుత్వం అత్యంత ప్రతిష్టాత్మకంగా చేపట్టిన ‘ఎన్టీఆర్ భరోసా’ పింఛన్ల పంపిణీ కార్యక్రమం బుధవారం అత్యంత నిరాడంబరంగా మరియు ఘనంగా సాగింది. రాష్ట్ర ముఖ్యమంత్రి నారా చంద్రబాబు నాయుడు, ఉపముఖ్యమంత్రి పవన్ కళ్యాణ్, ఐటీ మరియు విద్యాశాఖ మంత్రి నారా లోకేష్‌ల సుపరిపాలనా సారథ్యంలో, ప్రభుత్వ ప్రజా హామీల కమిటీ చైర్మన్ మరియు స్థానిక శాసనసభ్యులు డాక్టర్ కామినేని శ్రీనివాస్ మార్గదర్శకత్వంలో కైకలూరులో నేరుగా ఇంటింటికీ వెళ్లి పింఛన్లు పంపిణీ చేశారు. ప్రత్యామ్నాయ శ్రమ లేకుండా ఒకటో తారీఖునే అవ్వాతాతల ఇళ్ల వద్దకే పింఛను సొమ్ము చేరుతుండటంతో లబ్ధిదారుల ముఖాల్లో ఆనందం వెల్లివిరిసింది.
ఈ కార్యక్రమంలో కైకలూరు నియోజకవర్గ తెలుగుదేశం పార్టీ కన్వీనర్ కొత్త నాగేంద్ర కుమార్ (నాగబాబు), కో-కన్వీనర్ మరియు కైకలూరు వ్యవసాయ మార్కెట్ యార్డ్ చైర్మన్ పెనుమత్స త్రినాధ్ రాజు, మండల తెలుగుదేశం పార్టీ అధ్యక్షులు పి. రాధకృష్ణ తదితరులు నాయకులు స్వయంగా గడపగడపకూ తిరుగుతూ లబ్ధిదారులకు పింఛన్లను అందజేశారు. వృద్ధులు, వికలాంగులు, అభాగ్యులకు ప్రభుత్వం అందిస్తున్న భరోసాను వివరించారు. లబ్ధిదారులతో ఆప్యాయంగా మాట్లాడుతూ ప్రభుత్వ సంక్షేమ పథకాలు అందుతున్న తీరును అడిగి తెలుసుకున్నారు. సంక్షేమ ఫలాలు నేరుగా అర్హులకు అందుతున్నాయని, కూటమి ప్రభుత్వం ప్రజల సంక్షేమమే ధ్యేయంగా పనిచేస్తోందని ఈ సందర్భంగా నేతలు పేర్కొన్నారు.
ఈ కార్యక్రమంలో ఆంధ్రప్రదేశ్ రాష్ట్ర ప్రభుత్వ ఆర్యవైశ్య వెల్ఫేర్ డెవలప్‌‌మెంట్ కార్పొరేషన్ డైరెక్టర్ పైడిమర్రి జయ శ్యామల మాల్యాద్రి, క్లస్టర్-5 కన్వీనర్ పోలవరపు లక్ష్మీరాణి, శ్రీ వెంకటేశ్వరస్వామి దేవస్థానము చైర్మన్ లక్కింశెట్టి రామమోహనరావు, పట్టణ టీడీపీ అధ్యక్షులు పడమట వాసు, వ్యవసాయ మార్కెట్ యార్డు కమిటి డైరెక్టర్ ఎం.డి. ఉస్మాన్, యూనిట్ కన్వీనర్ ఎం.డి. జాని, దైతగుంజ రామస్వామి, సయ్యద్ బాషీద్, ఏగిరెడ్డి సురేష్, ఎం.డి. జహీర్ తదితరులు పాల్గొని పింఛన్ల పంపిణీలో భాగస్వాములయ్యారు. వీరితో పాటు సచివాలయ సిబ్బంది మాధురి, డ్వాక్రా సిబ్బంది భారతి తదితరులు సమన్వయంతో వ్యవహరించి ప్రక్రియను విజయవంతం చేశారు.
Slug: kaikaluru-ntr-bharosa-pensions-distribution-dr-kamineni-srinivas-tdp-leaders