విజయవాడ: చీకట్లను పారద్రోలి వెలుగులను నింపే దివ్య దీపాల పర్వదినం దీపావళి సందర్భంగా జనసేన పార్టీ రాష్ట్ర కార్యదర్శి, ఏపీఐఐసీ (APIIC) డైరెక్టర్ శ్రీ మండలి రాజేష్ గారు రాష్ట్ర ప్రజలకు, కూటమి శ్రేణులకు, జనసైనికులకు, వీర మహిళలకు హృదయపూర్వక పండుగ శుభాకాంక్షలు తెలియజేశారు.
ఈ సందర్భంగా ఆయన మాట్లాడుతూ.. ఈ దీపావళి పండుగ ప్రజలందరి జీవితాల్లో నూతన ఉత్సాహాన్ని, సరికొత్త కాంతిని నింపాలని మనస్ఫూర్తిగా ఆకాంక్షించారు. డిప్యూటీ సీఎం, జనసేన పార్టీ అధినేత శ్రీ పవన్ కల్యాణ్ గారి సమర్థ నాయకత్వంలో రాష్ట్రంలో అభివృద్ధి, పారిశ్రామిక ప్రగతి వెలుగులు విరజిమ్మాలని పేర్కొన్నారు. ప్రతి ఇంటా లక్ష్మీదేవి కటాక్షం కలిగి సుఖసంతోషాలు, ఆయురారోగ్యాలు, అష్టైశ్వర్యాలు వర్ధిల్లాలని కోరారు. ప్రజలంతా తమ కుటుంబ సభ్యులతో కలిసి ఆనందోత్సాహాలతో, సురక్షితంగా పండుగను జరుపుకోవాలని శ్రీ మండలి రాజేష్ గారు ఆకాంక్షించారు.