జన గళం ఆంధ్రప్రదేశ్ డెస్క్: మచిలీపట్నం సమగ్ర శిశు అభివృద్ధి పథకం ఐసిడిఎస్ పరిధిలోని బందరు మండలం బోట్లవానిపాలెంలో ఆదివారం అంగన్‌వాడీ ఉత్సవం అత్యంత ఘనంగా నిర్వహించబడింది. గత నెల ఇరవై ఐదవ తేదీ నుంచి ఈ నెల ఏడవ తేదీ వరకు రాష్ట్రవ్యాప్తంగా నిర్వహిస్తున్న ఈ ప్రత్యేక కార్యక్రమాలలో భాగంగా తాళ్లపాలెం సెక్టార్ పరిధిలోని బోట్లవానిపాలెంలో ఈ వేడుకను ఏర్పాటు చేశారు. స్థానిక అంగన్‌వాడీ కార్యకర్త పేపేటి ఉమాసుశీల ఆధ్వర్యంలో జరిగిన ఈ కార్యక్రమంలో గ్రామంలోని గర్భిణులు, బాలింతలు మరియు తల్లులు పెద్ద సంఖ్యలో ఉత్సాహంగా పాల్గొన్నారు.
ఈ ఉత్సవంలో భాగంగా తక్కువ ఖర్చుతో లభించే స్థానిక వస్తువులతో ఎక్కువ పోషకాలు కలిగిన పౌష్టికాహారాన్ని ఎలా తయారు చేసుకోవాలో తల్లులకు వివరంగా వివరించారు. పిల్లల ఎదుగుదలకు మరియు ఆరోగ్యానికి అవసరమైన పోషకాహార విలువలు కలిగిన వివిధ రకాల ఆహార పదార్థాల ప్రదర్శనను ఏర్పాటు చేసి వాటి ఉపయోపాలను తెలియజేశారు. ఈ సందర్భంగా తల్లులకు పౌష్టికాహార ప్రాముఖ్యతపై అవగాహన కల్పిస్తూ, పిల్లల్లో రోగనిరోధక శక్తిని పెంపొందించే సమతుల్య ఆహారాన్ని అందించాలని నిర్వాహకులు సూచించారు.
ఈ కార్యక్రమంలో స్థానిక తల్లులతో పాటు ఆశా వర్కర్లు కూడా పెద్ద సంఖ్యలో పాల్గొని కార్యక్రమాన్ని విజయవంతం చేశారు. అంగన్‌వాడీ కేంద్రాల ద్వారా అందుతున్న సేవలను ప్రజలు పూర్తిస్థాయిలో సద్వినియోగం చేసుకోవాలని కోరారు. చిన్నారుల ఆరోగ్యం, మహిళల పోషకాహార స్థాయిలను మెరుగుపరిచేందుకు ప్రభుత్వం చేపడుతున్న ఇటువంటి వినూత్న అవగాహన కార్యక్రమాలు గ్రామీణ ప్రాంతాల్లో ఎంతో ప్రయోజనకరంగా మారుతున్నాయని స్థానికులు హర్షం వ్యక్తం చేస్తున్నారు.
Slug: anganwadi-festival-held-in-botlavanipalem-machilipatnam