జన గళం ఆంధ్రప్రదేశ్ డెస్క్: విజయవాడ వేదికగా కాపునాడు జాతీయ అధ్యక్షులు కీర్తిశేషులు గాళ్ళ సుబ్రమణ్యం గారి పెద్దకర్మ మరియు సంతాప సభ కార్యక్రమం అత్యంత భావోద్వేగ వాతావరణంలో నిర్వహించబడింది. ఈ పవిత్ర సంతాప సభకు ప్రముఖ నాయకురాలు శ్రీమతి వంగవీటి ఆశ కిరణ్ గారు ముఖ్య అతిథిగా విచ్చేసి నివాళులర్పించారు. ఈ సందర్భంగా గాళ్ళ సుబ్రమణ్యం చిత్రపటానికి పూలమాల వేసి శ్రద్ధాంజలి ఘటించిన ఆమె, వారి కుటుంబ సభ్యులను స్వయంగా కలిసి ప్రగాఢ సానుభూతిని తెలియజేస్తూ ధైర్యం చెప్పారు.
సమాజిక సేవారంగంలో మరియు ప్రజా జీవితంలో గాళ్ళ సుబ్రమణ్యం అందించిన అమూల్యమైన సేవలను ఈ సందర్భంగా శ్రీమతి వంగవీటి ఆశ కిరణ్ స్మరించుకున్నారు. కాపునాడు జాతీయ అధ్యక్షుడిగా ఆయన సమాజ అభ్యున్నతికి, బడుగు బలహీన వర్గాల హక్కుల పరిరక్షణ కోసం చేసిన పోరాటాలు ఎప్పటికీ చిరస్మరణీయమని కొనియాడారు. ఆయన అకాల మరణం సమాజానికి మరియు కాపు సామాజిక వర్గానికి తీరని లోటని ఆవేదన వ్యక్తం చేస్తూ, ఆయన ఆశయాలను ముందుకు తీసుకెళ్లాలని పిలుపునిచ్చారు.
ఈ సంతాప సభ కార్యక్రమంలో రాధా రంగా మిత్ర మండలి అధ్యక్షులు, పలువురు ప్రముఖ పెద్దలు, సంఘ నాయకులు మరియు పెద్ద సంఖ్యలో అభిమానులు పాల్గొని కీర్తిశేషులు గాళ్ళ సుబ్రమణ్యానికి ఘనంగా నివాళులర్పించారు. కష్టకాలంలో కుటుంబ సభ్యులకు అండగా ఉంటామని భరోసా కల్పిస్తూ శ్రేయోభిలాషులు ఆయనతో ఉన్న అనుబంధాన్ని గుర్తుచేసుకున్నారు. దివంగత నేత పవిత్ర ఆత్మకు శాంతి చేకూరాలని భగవంతుడిని ప్రార్థిస్తూ కార్యక్రమం ముగిసింది.
Slug: vangaveeti-asha-kiran-attends-gaalla-subrahmanyam-peddakarma-vijayawada