జన గళం పెనమలూరు బ్యూరో: రాబోయే స్థానిక సంస్థల ఎన్నికల సమరానికి జనసేన పార్టీ తన క్షేత్రస్థాయి యంత్రాంగాన్ని పటిష్టం చేసే దిశగా వేగంగా అడుగులు వేస్తోంది. ఇందులో భాగంగా కృష్ణా జిల్లా పెనమలూరు అసెంబ్లీ నియోజకవర్గ స్థానిక ఎన్నికల కో-ఆర్డినేషన్ కమిటీ సమన్వయకర్తగా జనసేన నాయకుడు వడ్డి జీవరత్నం నియమితులయ్యారు. పార్టీ అధినేత, ఆంధ్రప్రదేశ్ ఉప ముఖ్యమంత్రి కొణిదల పవన్ కళ్యాణ్ ఆదేశాల మేరకు ఈ అధికారిక నియామకం జరిగింది. తనపై నమ్మకం ఉంచి ఈ బాధ్యతను అప్పగించినందుకు ఉప ముఖ్యమంత్రి పవన్ కళ్యాణ్‌కు వడ్డి జీవరత్నం హృదయపూర్వక కృతజ్ఞతలు తెలియజేశారు. పెనమలూరు నియోజకవర్గంలో పార్టీని మరింత బలోపేతం చేస్తూ, క్షేత్రస్థాయి పరిశీలనను పకడ్బందీగా చేపట్టి స్థానిక సంస్థల ఎన్నికల్లో కూటమి అభ్యర్థుల భారీ విజయానికి అంకితభావంతో శ్రమిస్తానని ఆయన స్పష్టం చేశారు.
పెనమలూరు జనసేన సమన్వయకర్తగా వడ్డి జీవరత్నం: డిప్యూటీ సీఎం పవన్ కళ్యాణ్‌కు కృతజ్ఞతలు!
