జన గళం నియోజకవర్గ డెస్క్: కృష్ణా జిల్లా కృత్తివెన్ను మండల రాజకీయాల్లో విషాదం చోటుచేసుకుంది. మండల మాజీ ఎంపీపీ, కొమాళ్ళపూడి గ్రామ పంచాయతీ మాజీ సర్పంచ్ శ్రీ వలవల సత్యనారాయణ గారు గురువారం సాయంత్రం 5:00 గంటల సమయంలో పరమపదించారు. ఆయన మృతితో కొమాళ్ళపూడి గ్రామంలో పాటు మండలవ్యాప్తంగా తీవ్ర విషాద ఛాయలు అలముకున్నాయి.
గ్రామ సర్పంచ్‌గా, మండల ప్రజాపరిషత్ అధ్యక్షుడిగా (ఎంపీపీ) సుదీర్ఘకాలం పాటు సేవలందించిన ఆయన, స్థానిక సమస్యల పరిష్కారంలో నిరంతరం ముందుంటూ ప్రజల మన్ననలు పొందారు. ఆయన ఆకస్మిక మరణం పట్ల నియోజకవర్గ పరిధిలోని పలు రాజకీయ పార్టీల నాయకులు, స్థానిక ప్రజాప్రతినిధులు తీవ్ర దిగ్భ్రాంతి వ్యక్తం చేశారు. వారి పవిత్ర ఆత్మకు శాంతి చేకూరాలని, వారి కుటుంబ సభ్యులకు భగవంతుడు మనోధైర్యాన్ని ప్రసాదించాలని ప్రార్థిస్తూ ప్రగాఢ సానుభూతిని తెలియజేశారు.
