తూర్పుగోదావరి జిల్లాలో మెగాస్టార్ చిరంజీవి పర్యటన: ఎడిద బాబి, మెగా యూత్ ఫోర్స్ ఆధ్వర్యంలో అభిమానుల అపూర్వ స్వాగతం!

​జన గళం బ్యూరో: పద్మభూషణ్, మెగాస్టార్ చిరంజీవి తూర్పుగోదావరి జిల్లా పర్యటన సందర్భంగా జిల్లా వ్యాప్తంగా పండుగ వాతావరణం నెలకొంది. సోమవారం జిల్లా పర్యటనకు విచ్చేసిన మెగాస్టార్‌ను స్వాగతించేందుకు మెగా యూత్ ఫోర్స్ కన్వీనర్ ఎడిద బాబి ఆధ్వర్యంలో అభిమానులు, యువత భారీ సంఖ్యలో తరలివచ్చారు. దారిపొడవునా గజమాలలు, పూలవర్షంతో అభిమానులు నీరాజనాలు పలికారు. తెలుగు చలనచిత్ర రంగానికి విశేష సేవలందించడంతో పాటు, రక్తదానం, నేత్రదానం వంటి ఎన్నో సేవా కార్యక్రమాలతో కోట్లాది మంది హృదయాల్లో చిరస్థాయిగా నిలిచిన మెగాస్టార్ చిరంజీవి రాకతో ఎడిద బాబి, మెగా యూత్ ఫోర్స్ శ్రేణుల్లో నూతనోత్సాహం వెల్లివిరిసింది. ‘జై చిరంజీవ’ నినాదాలతో గోదావరి తీరం హోరెత్తింది.