జన గళం పెడన/బందరు బ్యూరో: రాబోయే స్థానిక సంస్థల ఎన్నికలను పురస్కరించుకుని జనసేన పార్టీ ప్రకటించిన మచిలీపట్నం పార్లమెంట్ నిర్వహణ కమిటీ (నిర్వాహక్ దళ్) సభ్యుడిగా కమలాపురం డీసీ చైర్మన్ నల్లమోతు రఘురామ్ నియమితులయ్యారు. తనపై నమ్మకంతో ఈ కీలక బాధ్యతలను అప్పగించిన పార్టీ అధినేత, రాష్ట్ర ఉప ముఖ్యమంత్రి కొణిదెల పవన్ కళ్యాణ్, మచిలీపట్నం పార్లమెంట్ సభ్యులు వల్లభనేని బాలశౌరికి ఆయన ప్రత్యేక ధన్యవాదాలు తెలియజేశారు. 2019 సార్వత్రిక ఎన్నికల్లో పెడన నియోజకవర్గ జనసేన చీఫ్ ఎలక్షన్ ఏజెంట్‌గా, 2023లో మచిలీపట్నంలో జరిగిన పార్టీ ఆవిర్భావ సభ పెడన కోఆర్డినేటర్‌గా, ప్యానెల్ స్పీకర్‌గా, సర్చ్ కమిటీ సభ్యుడిగా, కమలాపురం డీసీ చైర్మన్‌గా పార్టీకి నిరంతరం సేవలందిస్తున్న తనను గుర్తించి ఈ పదవి కల్పించడంపై హర్షం వ్యక్తం చేశారు. పార్టీలోని తోటి నాయకులు, కార్యకర్తల సమన్వయంతో రాబోయే స్థానిక సమరంలో మచిలీపట్నం పార్లమెంట్ పరిధిలో జనసేనను విజయతీరాలకు చేర్చేందుకు శక్తివంచన లేకుండా కృషి చేస్తానని రఘురామ్ స్పష్టం చేశారు.
మచిలీపట్నం నిర్వాహక్ కమిటీలో నల్లమోతు రఘురామ్: అధినేత పవన్ కళ్యాణ్, ఎంపీ బాలశౌరికి కృతజ్ఞతలు!
Slug: nallamothu-raghuram-appointed-machilipatnam-nirvahak-committee-thanks-pawan-kalyan-balashowry
