జన గళం విజయవాడ డెస్క్: చంటి పిల్లలకు పాలు పట్టేందుకు ఇబ్బంది పడుతున్న మహిళలకు శ్రీ కనకదుర్గమ్మవారి దేవస్థానం ట్రస్ట్ బోర్డు సభ్యురాలు పద్మావతి ఠాకూర్ అండగా నిలిచారు. పోలీసుల ఆంక్షల నేపథ్యంలో పిల్లలకు పాలు పట్టేందుకు ఇబ్బంది ఎదుర్కొంటున్న మహిళలను ఆమె ట్రస్ట్ బోర్డు సభ్యుల కార్యాలయానికి తీసుకువచ్చి ప్రత్యేక ఏర్పాట్లు చేయించారు.
తల్లులు తమ చిన్నారులకు ప్రశాంతంగా పాలు పట్టేందుకు అవసరమైన సౌకర్యం కల్పించడంతో పాటు, వారికి అల్పాహారం అందించారు. అనంతరం మహిళలను సురక్షితంగా సాగనంపేలా చర్యలు తీసుకున్నారు.
చంటి పిల్లల అవసరాలను గుర్తించి, తల్లులకు సహాయం అందించిన పద్మావతి ఠాకూర్ చర్య మానవత్వానికి నిదర్శనంగా నిలిచింది.