జన గళం ప్రత్తిపాడు/కాకినాడ బ్యూరో: ఆంధ్రప్రదేశ్ ప్రభుత్వం మరియు ఉప ముఖ్యమంత్రి, పంచాయతీరాజ్ గ్రామీణాభివృద్ధి శాఖ మంత్రి శ్రీ కొణిదెల పవన్ కళ్యాణ్ ప్రతిష్టాత్మకంగా చేపట్టిన “పల్లె పండుగ 3.0” కార్యక్రమంలో భాగంగా ప్రత్తిపాడు నియోజకవర్గంలో గ్రామీణ రహదారుల నిర్మాణ పనులు ఊపందుకున్నాయి. ప్రత్తిపాడు నియోజకవర్గం శాసనసభ్యురాలు శ్రీమతి వరుపుల సత్యప్రభ సహకారంతో గురువారం ఏలేశ్వరం మండలంలోని సిరిపురం, పేరవరం, లింగంపర్తి, తిరుమాలి గ్రామాలలో జనసేన పార్టీ తరఫున సీసీ రోడ్ల నిర్మాణ పనులకు ఘనంగా శంకుస్థాపనలు నిర్వహించారు.
నియోజకవర్గంలో జనసేన పార్టీ తరఫున అంతర్గత రహదారుల అభివృద్ధి కోసం రూ. 3.5 కోట్ల నిధులను మంజూరు చేయించిన ఎమ్మెల్యే శ్రీమతి వరుపుల సత్యప్రభకు నియోజకవర్గ జనసేన సమన్వయకర్త, రాష్ట్ర సంయుక్త కార్యదర్శి మేడిశెట్టి సూర్య కిరణ్ (బాబి) ప్రత్యేక కృతజ్ఞతలు తెలియజేశారు. గ్రామాల రూపురేఖలు మార్చడమే లక్ష్యంగా కూటమి ప్రభుత్వం నిధులు కేటాయిస్తూ అభివృద్ధి పనులను పరుగులు పెట్టిస్తోందని ఆయన పేర్కొన్నారు. ఈ కార్యక్రమంలో ఏలేశ్వరం మండల జనసేన పార్టీ అధ్యక్షులు, లింగంపర్తి PACS చైర్మన్ పెంటకోట మోహన్, టీడీపీ మండల అధ్యక్షులు జ్యోతుల పెదబాబు, మండల ఎంపీడీవో, కూటమి ప్రజాప్రతినిధులు, పార్టీ నాయకులు మరియు గ్రామస్తులు పెద్ద సంఖ్యలో పాల్గొన్నారు.
