జన గళం ఆంధ్రప్రదేశ్ డెస్క్: అన్నమయ్య జిల్లా రాయచోటి పట్టణ పరిధిలోని చిత్తూరు బైపాస్ రోడ్డు వద్ద నూతనంగా ఏర్పాటు చేసిన ‘ఎస్ఎంఆర్ రెస్టారెంట్’ బుధవారం ఘనంగా ప్రారంభమైంది. ఈ ప్రారంభోత్సవ కార్యక్రమానికి తెలుగుదేశం పార్టీ నియోజకవర్గ నాయకులు డాక్టర్ మండిపల్లి లక్ష్మీప్రసాద్ రెడ్డి ముఖ్య అతిథిగా విచ్చేసి జ్యోతి ప్రజ్వలన చేసి రెస్టారెంట్ ను లాంఛనంగా ప్రారంభించారు. ఈ సందర్భంగా హోటల్ నిర్వాహకులకు, సిబ్బందికి ఆయన ప్రత్యేకంగా శుభాకాంక్షలు తెలిపారు.
అనంతరం డాక్టర్ లక్ష్మీప్రసాద్ రెడ్డి రెస్టారెంట్ లోని వివిధ విభాగాలను పరిశీలించి వసతులపై సంతృప్తి వ్యక్తం చేశారు. ఈ సందర్భంగా ఆయన మాట్లాడుతూ రాయచోటి పట్టణ ప్రజలకు, వాహనదారులకు రుచికరమైన, పరిశుభ్రమైన ఆహారాన్ని అందించాలని నిర్వాహకులకు సూచించారు. ఆహార నాణ్యత, వినియోగదారుల సంతృప్తికి అధిక ప్రాధాన్యతనిస్తూ వ్యాపార రంగంలో ఉత్తమ ప్రమాణాలు నెలకొల్పాలని, సంస్థ మరింత ఉన్నత స్థాయికి ఎదగాలని ఆకాంక్షించారు.
పట్టణంలో సరికొత్త హంగులతో హోటల్ ఏర్పాటు చేయడం ద్వారా స్థానికులకు మెరుగైన సేవలందించడంతో పాటు పలువురికి ఉపాధి అవకాశాలు లభిస్తాయని పేర్కొన్నారు. ఈ కార్యక్రమంలో స్థానిక ప్రజాప్రతినిధులు, తెలుగుదేశం పార్టీ శ్రేణులు, వాణిజ్య వర్గాల ప్రతినిధులు, పట్టణ ప్రముఖులు మరియు అభిమానులు పెద్ద సంఖ్యలో పాల్గొని హోటల్ యాజమాన్యానికి అభినందనలు తెలియజేశారు.
Slug: rayachoti-smr-restaurant-inaugurated-by-dr-mandipalli-lakshmi-prasad-reddy