జన గళం ఆంధ్రప్రదేశ్ డెస్క్: జాతిపిత మహాత్మా గాంధీ 157వ జయంతి వేడుకలను పురస్కరించుకుని మచిలీపట్నం జనసేన పార్టీ కార్యాలయంలో ప్రత్యేక కార్యక్రమం అత్యంత ఘనంగా నిర్వహించారు. ఈ వేడుకల్లో జనసేన పార్టీ నియోజకవర్గ ఇంచార్జ్ బండి రామకృష్ణ మరియు తెలుగుదేశం పార్టీ జిల్లా అధ్యక్షులు వీర వెంకట గురుమూర్తి ముఖ్య అతిథులుగా విచ్చేసి జాతిపిత చిత్రపటానికి పూలమాలలు వేసి ఘన నివాళులర్పించారు. స్వాతంత్ర్య సమరంలో భారతదేశాన్ని ఏకతాటిపై నిలిపి బ్రిటిష్ పాలనపై పోరాడి దేశానికి స్వాతంత్ర్యం తెచ్చిన మహనీయుడు మహాత్మా గాంధీ అని నాయకులు కొనియాడారు. అటువంటి మహానుభావుడు ఒకానొక సందర్భంలో బందరును సందర్శించడం ఈ ప్రాంత ప్రజలందరికీ ఎంతో గర్వకారణమని వారు పేర్కొన్నారు.
అహింసా మార్గంలో ఉప్పు సత్యాగ్రహాన్ని నిర్వహించడం, విదేశీ వస్తువులను బహిష్కరించడం వంటి పద్ధతులను ఆయుధంగా మలచి బ్రిటిష్ వారిపై గాంధీజీ సాగించిన పోరాటం ప్రపంచ చరిత్రలోనే నిలిచిపోయిందని వక్తలు గుర్తుచేశారు. జాతిపిత చూపిన బాటలోనే రాష్ట్ర ముఖ్యమంత్రి నారా చంద్రబాబు నాయుడు మరియు ఉప ముఖ్యమంత్రి పవన్ కళ్యాణ్ స్ఫూర్తితో కూటమి ప్రభుత్వం రాష్ట్రంలో ప్రజా సంక్షేమ పాలనను కొనసాగిస్తోందని స్పష్టం చేశారు. గ్రామ స్వరాజ్యం, పారదర్శక పాలన మరియు ప్రజల భాగస్వామ్యంతో కూడిన అభివృద్ధి సాధనే ధ్యేయంగా కూటమి ప్రభుత్వం అడుగులు వేస్తోందని తెలిపారు.
ఈ కార్యక్రమంలో జనసేన పార్టీ నగర అధ్యక్షుడు గడ్డం రాజు, నాయకులు కొక్కు లక్ష్మణ, ఉడుముల బుజ్జి, పెద్దసింగు చిరంజీవి, కటికల సుబ్బారావు, బత్తిన వెంకటస్వామి, బత్తిన నాగభూషణం, వేముల చక్రి, మంత్రి పృద్వి, వేముల వెంకటేశ్వరరావు, అనుమకొండ సాయికిరణ్, కందుల ఫణి, పోతన వంశీ నాయుడు, ఏడుంబాకుల వాసు, గంపల కృష్ణ, దేవనూరి వీరబాబు, బచ్చు రాజేష్, నూకల సాయి గణేష్, కొండిశెట్టి గోపాల్, తోట పవన్, జొన్నల ప్రసాద్, కోలపల్లి గణేష్, పాతపాటి నాగరాజు, పాతపాటి రేణుకరావు, గంపల కౌశిక్, తోట రాజేష్, పినిశెట్టి వేణు, బీరం సుదర్శన్, నరహరిశెట్టి రామ్ జ్యోతి, కూనపు రెడ్డి సురేష్, కరీం శెట్టి త్రినాథ్ తదితరులు పెద్ద సంఖ్యలో పాల్గొని బాపూజీకి నివాళులర్పించారు.
Slug: machilipatnam-gandhi-jayanti-bandi-ramakrishna-gurumurthy