జన గళం ఆధ్యాత్మిక డెస్క్: కర్నూలు జిల్లా ఆలూరు నియోజకవర్గ శాసనసభ్యులు బుసినే విరుపాక్షి విజయవాడ ఇంద్రకీలాద్రిపై కొలువుదీరిన జగన్మాత శ్రీ కనకదుర్గమ్మను కుటుంబ సమేతంగా దర్శించుకుని ప్రత్యేక పూజలు నిర్వహించారు. ఎమ్మెల్యే బుసినే విరుపాక్షితో పాటు ఆయన సతీమణి బుసినే రామంజినమ్మ, సోదరుడు బుసినే శ్రీరాములు, యువ నాయకులు బుసినే లక్ష్మీనారాయణ, వైఎస్సార్‌సీపీ రాష్ట్ర యువజన విభాగం కార్యదర్శి బుసినే చంద్రశేఖర్, బుసినే మధుసూదన్, బుసినే మారుతి అమ్మవారి సేవలో పాల్గొన్నారు.
ఆలయ మర్యాదల ప్రకారం వీరికి వేదపండితులు, అర్చకులు ఘన స్వాగతం పలికి ప్రత్యేక దర్శన ఏర్పాట్లు చేశారు. గర్భాలయంలో మూలవిరాట్‌కు పూజలు నిర్వహించిన అనంతరం వేద పండితులు ఎమ్మెల్యే దంపతులకు, కుటుంబ సభ్యులకు వేదాశీర్వచనం చేసి, అమ్మవారి శేషవస్త్రాలు, తీర్థప్రసాదాలను అందజేశారు. ఈ కార్యక్రమంలో ఆలూరు మరియు విజయవాడ ప్రాంతాలకు చెందిన వైయస్సార్ కాంగ్రెస్ పార్టీ నాయకులు, కార్యకర్తలు పెద్ద సంఖ్యలో పాల్గొన్నారు.
