జన గళం నూజివీడు డెస్క్: నూజివీడు మున్సిపల్ సాధారణ ఎన్నికల సమరంలో 19వ వార్డు రాజకీయ వాతావరణం మరింత వేడెక్కింది. ఎన్డీయే కూటమి బలపరిచిన జనసేన పార్టీ కౌన్సిలర్ అభ్యర్థిగా స్థానిక క్రియాశీలక నాయకుడు శ్రీ ముత్యాల కామేశ్వరరావు (కామేష్) గారు అధికారికంగా నామినేషన్ పత్రాలను ఎన్నికల రిటర్నింగ్ అధికారికి సమర్పించారు.
ఉప ముఖ్యమంత్రి, జనసేనాని శ్రీ పవన్ కళ్యాణ్ గారి ఆశయాలకు అనుగుణంగా వార్డు ప్రజల సమస్యల పరిష్కారం, మౌలిక వసతుల కల్పనే ప్రధాన ధ్యేయంగా ఎన్నికల బరిలోకి దిగుతున్నట్లు నామినేషన్ అనంతరం కామేశ్వరరావు స్పష్టం చేశారు. ఈ సందర్భంగా టీడీపీ, జనసేన, బీజేపీ నాయకులు, కార్యకర్తలు మరియు జనసైనికులు భారీ సంఖ్యలో తరలివచ్చి ఆయనకు మద్దతు తెలిపారు. 19వ వార్డు సమగ్ర అభివృద్ధికి కట్టుబడి పనిచేసే వ్యక్తిగా కామేశ్‌ను అత్యధిక మెజారిటీతో గెలిపించేందుకు కూటమి శ్రేణులు సమష్టిగా కృషి చేస్తామని ఈ సందర్భంగా నేతలు పేర్కొన్నారు.
