మాజీ ఉపముఖ్యమంత్రి, సీనియర్ నేత ఆళ్ల నాని (ఆళ్ల కాళీకృష్ణ శ్రీనివాస్) అంత్యక్రియలు గురువారం ఉదయం పది గంటలకు ఏలూరులోని ఆయన నివాస ప్రాంగణంలో అధికారిక లాంఛనాలతో జరగనున్నాయి. ఇటీవల గుండెపోటుతో ఆకస్మికంగా కన్నుమూసిన ఆయన పార్థివదేహానికి కడసారి వీడ్కోలు పలికేందుకు అధికార యంత్రాంగం అన్ని ఏర్పాట్లు పూర్తి చేసింది. శ్రీరామ్నగర్లోని ఆయన స్వగృహ ఆవరణలోనే కుటుంబ సంప్రదాయాల ప్రకారం అంతిమ సంస్కారాలు నిర్వహించనున్నారు.
ఈ కార్యక్రమానికి రాష్ట్ర ప్రభుత్వం తరఫున రాష్ట్ర మానవ వనరుల అభివృద్ధి, ఐటీ శాఖ మంత్రి నారా లోకేష్, గృహనిర్మాణ మరియు సమాచార శాఖ మంత్రి కొలుసు పార్థసారథి హాజరుకానున్నారు. వీరితో పాటు ఉమ్మడి పశ్చిమ గోదావరి జిల్లా వ్యాప్తంగా ఉన్న పలువురు శాసనసభ్యులు, ఎమ్మెల్సీలు, వివిధ పార్టీల అగ్రనేతలు తరలివచ్చి నివాళులర్పించనున్నారు. అంతిమయాత్ర సందర్భంగా నగరంలో ట్రాఫిక్ ఇబ్బందులు తలెత్తకుండా, ఎలాంటి అవాంఛనీయ ఘటనలు జరగకుండా పోలీసులు పటిష్ట బందోబస్తు ఏర్పాటు చేశారు.