రాష్ట్ర నగరాల వెల్ఫేర్ కార్పొరేషన్ చైర్మన్ పదవిని తక్షణమే భర్తీ చేయాలని డిమాండ్ చేస్తూ రాష్ట్ర నగరాల సంఘం అధ్యక్షుడు బాయన బాబ్జి చేపట్టిన నిరాహార దీక్ష బుధవారానికి మూడో రోజుకు చేరుకుంది. విజయవాడ బ్రాహ్మణ వీధిలోని నగరాల సంఘం కార్యాలయం వద్ద కొనసాగుతున్న ఈ దీక్షా శిబిరాన్ని కాపు జేఏసీ రాష్ట్ర అధ్యక్షుడు చందు జనార్ధన్ సందర్శించి సంపూర్ణ సంఘీభావం ప్రకటించారు.
ఈ సందర్భంగా చందు జనార్ధన్ మాట్లాడుతూ, అర్హులైన వర్గాలకు కార్పొరేషన్ పదవులను కేటాయించడంలో ప్రభుత్వం నిర్లక్ష్యం వీడాలని పేర్కొన్నారు. గత మూడు రోజులుగా శాంతియుతంగా నిరాహార దీక్ష చేస్తున్నా అధికార యంత్రాంగం స్పందించకపోవడం సరికాదని, ప్రభుత్వం వెంటనే జోక్యం చేసుకుని ఖాళీగా ఉన్న నగరాల వెల్ఫేర్ కార్పొరేషన్ చైర్మన్ పోస్టును భర్తీ చేయాలని డిమాండ్ చేశారు.
Slug: bayana-babji-hunger-strike-nagaralu-corporation-chairman-kapu-jac-chandu-janardhan-support