పశ్చిమాసియాలో ఉద్రిక్తతలు మరోసారి ప్రపంచ ఇంధన రంగాన్ని కుదిపేస్తున్నాయి. ఇరాన్ మద్దతుగల మిలీషియాలు ఇరాక్ భూభాగం నుంచి ప్రయోగించిన డ్రోన్లతో దాడి చేయడంతో సౌదీ అరేబియాకు చెందిన అత్యంత కీలకమైన 745 మైళ్ల (1,200 కి.మీ) పొడవైన తూర్పు-పడమర పెట్రోలైన్ (Petroline) కార్యకలాపాలు నిలిచిపోయాయి. హోర్ముజ్ జలసంధిలో వివాదాల దృష్ట్యా ప్రత్యామ్నాయంగా రోజుకు దాదాపు 40 లక్షల బ్యారెళ్ల చమురును ఎర్ర సముద్ర తీరానికి తరలిస్తున్న ఈ మార్గం మూతపడటం అంతర్జాతీయ మార్కెట్లకు పెను దెబ్బగా మారింది.
మరోవైపు యెమెన్‌లోని హౌతీ తిరుగుబాటుదారులు బాబ్ ఎల్-మండెబ్ జలసంధి సమీపంలోని ఎర్ర సముద్ర తీరాన్ని తమ ఆధీనంలోకి తెచ్చుకోవడంతో చమురు నౌకల రాకపోకలకు మార్గాలు మూసుకుపోయాయి. సరఫరా నిలిచిపోవడంతో అంతర్జాతీయ మార్కెట్‌లో బ్రెంట్ ముడిచమురు ధర ఏకంగా బ్యారెల్‌కు 109 డాలర్లు దాటి దూసుకుపోయింది. పైప్‌లైన్ పంపింగ్ కేంద్రాల మరమ్మతులకు కనీసం మూడు నుంచి ఐదు వారాలు పట్టే అవకాశం ఉందని అధికారులు చెబుతుండగా, ఈ సంక్షోభం సామాన్యులపై ద్రవ్యోల్బణం, ఇంధన ధరల భారాన్ని తీవ్రతరం చేయనుంది.
