జన గళం బ్యూరో, విజయవాడ: విజయవాడ పార్లమెంట్ పరిధిలో పార్టీ సంస్థాగత నిర్మాణాన్ని మరింత పటిష్టం చేసే లక్ష్యంతో విజయవాడ పార్లమెంట్ నిర్వాహక దళ్ సభ్యునిగా రావి శ్రీనివాస్‌ను నియమించారు. పార్టీ అభివృద్ధికి అంకితభావంతో పనిచేస్తున్న ఆయన అనుభవాన్ని పరిగణనలోకి తీసుకుని నాయకత్వం ఈ నిర్ణయం తీసుకుంది.
తన నియామకంపై రావి శ్రీనివాస్ సంతోషం వ్యక్తం చేస్తూ.. పార్టీ నాయకత్వం తనపై ఉంచిన విశ్వాసాన్ని నిలబెట్టుకుంటానని తెలిపారు. విజయవాడ పార్లమెంట్ పరిధిలోని కార్యకర్తలను, శ్రేణులను సమన్వయం చేసుకుంటూ, పార్టీ చేపట్టే ప్రతి కార్యక్రమాన్ని విజయవంతం చేయడానికి పూర్తిస్థాయిలో శ్రమిస్తానని పేర్కొన్నారు. రానున్న ఎన్నికలు, ప్రజా కార్యక్రమాల్లో నిర్వాహక దళ్ పాత్రను సమర్థవంతంగా పోషిస్తామని చెప్పారు.
రావి శ్రీనివాస్ నియామక సమాచారం వెలువడటంతో నియోజకవర్గ పరిధిలోని పలువురు సీనియర్ నాయకులు, స్థానిక ప్రజాప్రతినిధులు, పార్టీ శ్రేణులు ఆయనకు పుష్పగుచ్ఛాలు అందజేసి శుభాకాంక్షలు తెలియజేశారు. పార్టీ బలోపేతానికి ఆయన మరింత కృషి చేయాలని ఆకాంక్షించారు.