జన గళం పెడన డెస్క్: కృష్ణా జిల్లా పెడన పురపాలక సంఘం సాధారణ ఎన్నికల సమరంలో కూటమి బలపరిచిన జనసేన పార్టీ అభ్యర్థులు పెద్ద ఎత్తున నామినేషన్లు దాఖలు చేశారు. పెడన మున్సిపల్ చైర్‌పర్సన్ స్థానానికి జనసేన పార్టీ అధికారిక అభ్యర్థినిగా శ్రీమతి బళ్ల జ్ఞాన లింగ జ్యోత్స్నారాణి (W/o కోట గంగయ్య – దేవాంగ, బీసీ-బి చేనేత వర్గం) నామినేషన్ దాఖలు చేయగా, ఆమెకు డమ్మీ అభ్యర్థిగా శ్రీమతి భట్టా మౌనిక (W/o గణేష్ – దేవాంగ, బీసీ-బి చేనేత వర్గం) నామినేషన్ పత్రాలను రిటర్నింగ్ అధికారికి సమర్పించారు.
మరోవైపు పెడన మున్సిపాలిటీ పరిధిలోని వివిధ వార్డుల్లో కౌన్సిలర్ అభ్యర్థులుగా జనసేన పార్టీ తరఫున పలువురు కీలక నేతలు నామినేషన్లు వేశారు. సామాజిక సమీకరణాలు, ప్రజాబలాన్ని సమతుల్యం చేస్తూ ఎంపిక చేసిన ఈ అభ్యర్థుల నామినేషన్లతో పట్టణంలో కూటమి శ్రేణుల్లో నూతనోత్సాహం వెల్లివిరిసింది.
వార్డుల వారీగా జనసేన కౌన్సిలర్ అభ్యర్థుల వివరాలు:
- 3వ వార్డు: శ్రీమతి కమ్మగంటి శారదాదేవి (ఎస్సీ – మాల)
- 4వ వార్డు: శ్రీమతి నిప్పులేటి లలితాదేవి (ఓసీ – కాపు)
- 8వ వార్డు: శ్రీమతి కోలపల్లి నాగ గౌతమీదేవి (ఓసీ – కాపు)
- 10వ వార్డు: శ్రీమతి తోట కరీష్మా (ఓసీ – కాపు)
- 13వ వార్డు: శ్రీ బళ్ల కోట గంగయ్య (దేవాంగ – బీసీ-బి)
- 17వ వార్డు: శ్రీమతి సయ్యద్ ఫర్వా (ముస్లిం మైనార్టీ)
చైర్‌పర్సన్‌తో పాటు అన్ని వార్డుల్లోనూ కూటమి అభ్యర్థులను అత్యధిక మెజారిటీతో గెలిపించుకుని పెడన మున్సిపాలిటీపై జనసేన-కూటమి జెండాను ఎగురవేస్తామని శ్రేణులు ధీమా వ్యక్తం చేస్తున్నాయి.