జన గళం ఆంధ్రప్రదేశ్ డెస్క్: మచిలీపట్నం పార్లమెంట్ సభ్యులు శ్రీ వల్లభనేని బాలశౌరి గారు ఢిల్లీలోని పార్లమెంట్ భవనంలో నిర్వహించిన ప్రతిష్టాత్మక పబ్లిక్ అకౌంట్స్ కమిటీ (PAC) సమావేశానికి హాజరయ్యారు. పార్లమెంటరీ నిబంధనల ప్రకారం ప్రభుత్వ వ్యయం మరియు వివిధ శాఖల పనితీరును నిశితంగా పరిశీలించే ఈ కీలక కమిటీ సమావేశంలో ఆయన క్రియాశీలకంగా పాలుపంచుకున్నారు.
ఈ సమావేశంలో ప్రధానంగా క్రీడా వ్యవహారాల మంత్రిత్వ శాఖకు సంబంధించిన పలు అంశాలపై సంబంధితశాఖ అధికారులు కమిటీకి సమగ్ర వివరాలను అందజేశారు. దేశవ్యాప్తంగా క్రీడా రంగాన్ని ప్రోత్సహించేందుకు మంత్రిత్వ శాఖ అమలు చేస్తున్న వివిధ కార్యక్రమాలు, కార్యకలాపాలు మరియు నిధుల వినియోగానికి సంబంధించిన అంశాలపై కమిటీ సభ్యులకు అధికారులు క్షుణ్ణంగా వివరణ ఇచ్చారు. సమావేశంలో చర్చకు వచ్చిన వివిధ అంశాలపై సభ్యులు తమ అభిప్రాయాలను వ్యక్తం చేశారు.
Slug: machilipatnam-mp-vallabhaneni-balashowry-pac-meeting-delhi