జన గళం పెడన బ్యూరో: ఆంధ్రప్రదేశ్‌లో రాబోయే స్థానిక సంస్థల ఎన్నికల సమరానికి జనసేన పార్టీ తన సైన్యాన్ని పకడ్బందీగా సిద్ధం చేస్తోంది. ఇందులో భాగంగా మచిలీపట్నం పార్లమెంట్ పరిధిలోని పెడన అసెంబ్లీ నియోజకవర్గ స్థానిక ఎన్నికల సమన్వయకర్తగా సీనియర్ జనసేన నాయకుడు లింగం నాగేశ్వరరావు నియమితులయ్యారు. ఆయనతో పాటు అంకెం లక్ష్మి శ్రీనివాస్, విక్కుర్తి శ్రీనివాస్ బాబులను కూడా అసెంబ్లీ సమన్వయకర్తలుగా పార్టీ కేంద్ర కార్యాలయం ప్రకటించింది. అలాగే క్షేత్రస్థాయి పరిశీలన కోసం నియోజకవర్గంలోని నాలుగు మండలాల నుంచి 32 మందితో ‘నిర్వాహక్ దళ్’, ఐదుగురితో ‘సపోర్ట్ టీం’ను ఏర్పాటు చేశారు. 2014లో పార్టీ ఆవిర్భావం నుంచి నిబద్ధతతో పనిచేస్తున్న లింగం నాగేశ్వరరావు నియామకంపై జనసైనికులు, అభిమానులు హర్షాతిరేకాలు వ్యక్తం చేశారు. తనపై విశ్వాసం ఉంచిన డిప్యూటీ సీఎం పవన్ కళ్యాణ్‌కు నాగేశ్వరరావు ధన్యవాదాలు తెలుపుతూ, స్థానిక ఎన్నికల్లో పెడనలో పార్టీ అత్యధిక స్థానాలు గెలిచేలా సమిష్టిగా పనిచేస్తామని స్పష్టం చేశారు.
పెడన జనసేన సమన్వయకర్తగా లింగం నాగేశ్వరరావు నియామకం: జనసైనికుల్లో సంబరాలు.. పవన్ కళ్యాణ్‌కు కృతజ్ఞతలు!
Slug: lingam-nageswara-rao-appointed-pedana-janasena-local-body-elections-coordinator-thanks-pawan-kalyan
