జన గళం పెనమలూరు బ్యూరో: ఆంధ్రప్రదేశ్ స్థానిక సంస్థల ఎన్నికల సమరానికి జనసేన పార్టీ సమాయత్తమవుతున్న వేళ కృష్ణా జిల్లా పెనమలూరు నియోజకవర్గంలో కీలక నియామకం ఖరారైంది. పెనమలూరు అసెంబ్లీ నియోజకవర్గ స్థానిక ఎన్నికల కో-ఆర్డినేషన్ కమిటీ సమన్వయకర్తగా సీనియర్ నేత శ్రీ నేరుసు కృష్ణాంజనేయులు నియమితులయ్యారు. పార్టీ అధినేత, రాష్ట్ర ఉప ముఖ్యమంత్రి కొణిదల పవన్ కళ్యాణ్ ఆదేశాల మేరకు ఈ అధికారిక ప్రకటన వెలువడింది. ఆయనతో పాటు బొల్లం వీరన్ కుమార్, వడ్డి జీవ రత్నం అసెంబ్లీ సమన్వయకర్తలుగా ఎంపిక కాగా, 32 మందితో నిర్వాహక్ దళ్, ఐదుగురితో సపోర్ట్ టీంలను ఏర్పాటు చేశారు. తనపై పూర్తి విశ్వాసం ఉంచి పెనమలూరు సమన్వయకర్తగా గురుతర బాధ్యతను అప్పగించిన ఉప ముఖ్యమంత్రి పవన్ కళ్యాణ్‌కు నేరుసు కృష్ణాంజనేయులు హృదయపూర్వక కృతజ్ఞతలు తెలియజేశారు. నియోజకవర్గంలో పార్టీని గ్రామ, వార్డు స్థాయిల్లో బలోపేతం చేస్తూ, కూటమి లక్ష్యాల సాధనకు అంకితభావంతో పనిచేస్తానని ఆయన స్పష్టం చేశారు.
పెనమలూరు జనసేన సమన్వయకర్తగా నేరుసు కృష్ణాంజనేయులు: ఉప ముఖ్యమంత్రి పవన్ కళ్యాణ్‌కు కృతజ్ఞతలు!
Slug: nerusu-krishnanjaneyulu-appointed-penamaluru-janasena-coordinator-thanks-pawan-kalyan
