జన గళం ఆంధ్రప్రదేశ్ డెస్క్: ఆంధ్రప్రదేశ్ మాజీ ముఖ్యమంత్రి, వైఎస్సార్ కాంగ్రెస్ పార్టీ అధ్యక్షులు వైఎస్ జగన్ మోహన్ రెడ్డి రేపు (బుధవారం) సాయంత్రం 5 గంటలకు రాష్ట్ర గవర్నర్తో కీలక భేటీ కానున్నారు. విజయవాడలోని రాజ్భవన్లో గవర్నర్ను కలిసి రాష్ట్రంలోని తాజా పరిణామాలు, ప్రభుత్వ వైఖరిపై వినతిపత్రం అందజేయనున్నారు.
శాప్ (SAAP) కార్యాలయం వద్ద వైఎస్సార్సీపీ నాయకులు, కార్యకర్తలపై జరిగిన దాడి ఘటనను గవర్నర్ దృష్టికి తీసుకెళ్లి సమగ్ర విచారణ జరిపించాలని ఆయన కోరనున్నారు. అదేవిధంగా రాష్ట్రంలో ఇటీవల నిర్వహించిన డీఎస్సీ (DSC) పరీక్షల నిర్వహణలో పెద్ద ఎత్తున అక్రమాలు, అవకతవకలు జరిగాయని ఆరోపిస్తూ, నిరుద్యోగ అభ్యర్థులకు న్యాయం జరిగేలా దీనిపై కేంద్ర దర్యాప్తు సంస్థ (సీబీఐ)తో విచారణ చేయించాలని గవర్నర్ను కోరనున్నట్లు పార్టీ వర్గాలు వెల్లడించాయి.
Slug: ys-jagan-to-meet-ap-governor-tomorrow-complain-saap-office-attack-dsc-scam-cbi-probe