రచన: జన గళం రాజంపేట డెస్క్: ప్రభుత్వ పాఠశాలల సమగ్ర అభివృద్ధి, విద్యార్థులకు నాణ్యమైన విద్యాబోధన మరియు మెరుగైన మౌలిక వసతుల కల్పనలో స్కూల్ మేనేజ్‌మెంట్ కమిటీల (SMC) పాత్ర ఎంతో కీలకమని జనసేన పార్టీ రాజంపేట పార్లమెంట్ ఇంచార్జ్ యల్లటూరు శ్రీనివాసరాజు పేర్కొన్నారు. రాజంపేట రూరల్ పరిధిలోని హస్తవరం, చెర్లోపల్లి ప్రభుత్వ ఉన్నత పాఠశాలలకు నూతనంగా ఎన్నికైన స్కూల్ మేనేజ్‌మెంట్ కమిటీ వైస్ చైర్మన్ అరవ నారాయణ, కమిటీ సభ్యురాలు పూసల దేవి మల్లేశ్వరి శనివారం విజయ నరసింహారాజు ఆధ్వర్యంలో యల్లటూరు శ్రీనివాసరాజును మర్యాదపూర్వకంగా కలిశారు.
ఈ సందర్భంగా యల్లటూరు శ్రీనివాసరాజు నూతన కమిటీ ప్రతినిధులకు హృదయపూర్వక అభినందనలు తెలియజేస్తూ వారిని శాలువాలతో ఘనంగా సత్కరించారు. అనంతరం ఆయన మాట్లాడుతూ.. ప్రభుత్వ బడులను ఆదర్శవంతంగా తీర్చిదిద్దేందుకు ఉపాధ్యాయులు, తల్లిదండ్రులు, కమిటీ సభ్యులు పూర్తి సమన్వయంతో పనిచేయాలని పిలుపునిచ్చారు. విద్యార్థులకు ఎలాంటి ఇబ్బందులు కలగకుండా పాఠశాలల్లో సదుపాయాలను మెరుగుపరచడంలో కమిటీలు బాధ్యతాయుతంగా వ్యవహరించాలని ఆకాంక్షించారు. ఈ కార్యక్రమంలో నాయకులు రాఘవ, జగదీష్ కుమార్ రాజు, సుబ్బరాజు తదితరులు పాల్గొన్నారు.
