జన గళం విజయవాడ డెస్క్: విజయవాడ నగరపాలక సంస్థ ఎన్నికల సమరంలో విజయవాడ సెంట్రల్ నియోజకవర్గ పరిధిలోని 67వ డివిజన్ (మధురానగర్) రాజకీయ వాతావరణం మరింత వేడెక్కింది. జనసేన పార్టీ అధినేత, ఆంధ్రప్రదేశ్ ఉప ముఖ్యమంత్రి శ్రీ పవన్ కళ్యాణ్ గారి ఆశీస్సులతో జనసేన పార్టీ అధికారిక కార్పొరేటర్ అభ్యర్థిగా శ్రీ లకనం శ్యామ్ ప్రసాద్ గారు శనివారం (17/10/2026) రిటర్నింగ్ అధికారికి లాంఛనంగా నామినేషన్ పత్రాలను సమర్పించారు.
ఈ సందర్భంగా లకనం శ్యామ్ ప్రసాద్ మాట్లాడుతూ.. పార్టీ నాయకత్వం ఆదేశిస్తే, 67వ డివిజన్ ప్రజల సంపూర్ణ ఆశీర్వాదంతో మధురానగర్‌ను అన్ని రంగాల్లో అభివృద్ధి పథంలో నడిపిస్తానని స్పష్టమైన హామీ ఇచ్చారు. నామినేషన్ కార్యక్రమంలో దాసాంజనేయ స్వామి గుడి చైర్మన్ సోడిశెట్టి కృష్ణ ప్రసాద్, చిరంజీవి యువత సీనియర్ నేత కొడాలి చంద్రశేఖర్, రాష్ట్ర చిరంజీవి యువత ఉపాధ్యక్షుడు సుగుణబాబు, విజయవాడ చిరంజీవి యువత అధ్యక్షుడు కటికి రాకేష్ నాథ్, శరత్, నియోజకవర్గ జనసేన నాయకులు నెక్కంటి ప్రసాద్, పసుపులేటి శ్రీధర్, డివిజన్ ప్రధాన కార్యదర్శి మారాసు రమణ, నాయకులు కనుగుల వసంతరావు, సాధు వెంకట రమణ, ఆవాల కుమార్, చిరంజీవి యువత ప్రతినిధులు రంజిత్, మన్నెం సురేష్, విజయ్ తదితరులు పెద్ద సంఖ్యలో పాల్గొని శ్యామ్ ప్రసాద్ గారికి శుభాకాంక్షలు తెలిపారు.
