జన గళం న్యూఢిల్లీ/అమరావతి బ్యూరో: ఆంధ్రప్రదేశ్‌లో స్థానిక సంస్థల ఎన్నికల నిర్వహణకు సర్వోన్నత న్యాయస్థానం సుప్రీంకోర్టు పచ్చజెండా ఊపింది. ఏపీ హైకోర్టు నిర్దేశించిన ఆరు వారాల గడువులోనే ఎన్నికల నోటిఫికేషన్ ఇచ్చేందుకు తాము సిద్ధంగా ఉన్నామని రాష్ట్ర ఎన్నికల సంఘం (ఎస్ఈసీ) సుప్రీంకోర్టుకు స్పష్టం చేసింది. దీనిపై విచారణ జరిపిన న్యాయస్థానం కీలక ఆదేశాలు జారీ చేసింది. ఎన్నికల నోటిఫికేషన్ విడుదలయ్యే సమయానికి ‘సర్ (SIR)’ ప్రక్రియ పూర్తయితే నూతన ఓటర్ల జాబితా ఆధారంగా ఎన్నికలు జరపాలని, ఒకవేళ ఆ సమయానికి ఆ ప్రక్రియ పూర్తికాకపోతే పాత జాబితా ప్రకారమే ఎన్నికల ప్రక్రియను నిర్వహించుకోవచ్చని సుప్రీంకోర్టు స్పష్టం చేసింది. ఈ తీర్పుతో రాష్ట్రంలో స్థానిక పోరుకు మార్గం సుగమమైంది.
ఏపీ స్థానిక ఎన్నికలకు సుప్రీంకోర్టు గ్రీన్‌సిగ్నల్!
Slug: ap-local-body-elections-supreme-court-green-signal
