ఈ నెల 21 నుంచి 23 వరకు నామినేషన్ల స్వీకరణ.. నవంబర్ 3న పోలింగ్, 5న కౌంటింగ్
జన గళం బ్యూరో, అమరావతి: ఆంధ్రప్రదేశ్ రాష్ట్రంలో పంచాయతీరాజ్ సంస్థల ఎన్నికలకు తెరలేచింది. రాష్ట్ర ఎన్నికల సంఘం ఎంపీటీసీ, జడ్పీటీసీ ఎన్నికల కాలపట్టికను అధికారికంగా ప్రకటించింది. ఎన్నికల నిబంధనావళి తక్షణమే అమల్లోకి వస్తుందని స్పష్టం చేసింది.
ఎన్నికల పూర్తి షెడ్యూల్ వివరాలు:
- నామినేషన్ల స్వీకరణ: 21.10.2026 నుండి 23.10.2026 వరకు (ఉదయం 9:00 నుండి సాయంత్రం 5:00 వరకు ఆయా ఎంపీడీవో కార్యాలయాల్లో)
- నామినేషన్ల పరిశీలన (స్క్రూటినీ): 24.10.2026
- తిరస్కరించిన నామినేషన్లపై అప్పీల్: 25.10.2026
- అప్పీళ్లపై ఎన్నికల అధికారి తుది నిర్ణయం: 26.10.2026
- నామినేషన్ల ఉపసంహరణ & తుది జాబితా ప్రకటన: 27.10.2026 (సాయంత్రం)
- పోలింగ్ తేదీ: 03.11.2026
- రీ-పోలింగ్ (అవసరమైన చోట్ల): 04.11.2026
- ఓట్ల లెక్కింపు & ఫలితాలు: 05.11.2026
గ్రామీణ ప్రాంతాల్లో కూటమి పట్టు నిరూపించుకునేందుకు టీడీపీ, జనసేన, బీజేపీ శ్రేణులు సమష్టి వ్యూహాలతో సమాయత్తం కావాలని పార్టీ వర్గాలు పిలుపునిచ్చాయి.