జన గళం పెడన డెస్క్: కృష్ణా జిల్లా పెడన పురపాలక సంఘం ఎన్నికల్లో అత్యంత ఉత్కంఠ రేపిన మున్సిపల్ చైర్మన్ పీఠం అభ్యర్థిత్వంపై స్పష్టత వచ్చింది. ఎన్డీయే కూటమి ఒప్పందంలో భాగంగా జనసేన పార్టీకి కేటాయించిన పెడన మున్సిపల్ చైర్మన్ టికెట్‌ను పార్టీ నాయకురాలు శ్రీమతి మట్టా పావనికి ఖరారు చేస్తూ అధిష్టానం నిర్ణయం తీసుకుంది.
స్థానిక సమీకరణాలు, పార్టీ పట్ల విధేయత, ప్రజాదరణను పరిగణనలోకి తీసుకుని అధినాయకత్వం ఆమె అభ్యర్థిత్వాన్ని ఖరారు చేసినట్లు సమాచారం. మున్సిపల్ పీఠం అభ్యర్థిగా మట్టా పావని పేరు ఖరారు కావడంతో జనసేన, కూటమి శ్రేణుల్లో నూతనోత్సాహం నెలకొంది. చైర్మన్ అభ్యర్థిత్వంతో పాటు పట్టణంలోని అన్ని వార్డుల్లోనూ కూటమిని భారీ మెజారిటీతో గెలిపించుకోవడమే లక్ష్యంగా పార్టీ శ్రేణులు ప్రచార రంగంలోకి దిగుతున్నాయి.
Slug: pedana-municipality-janasena-alliance-chairman-candidate-matta-pavani-confirmed